Top-5 zahadkavych padvodnych zbudavańniaŭ staražytnaści z usiaho śvietu FOTA
Navošta staražytnym cyvilizacyjam budavać niešta pad vadoj? Časam na hetaje pytańnie nie mohuć znajści adkaz navat navukoŭcy. Zrešty, bolšaja častka hetych abjektaŭ raniej usio ž znachodziłasia na pavierchni, a pad vadoj apynułasia praz paźniejšyja pryrodnyja pracesy.
1. Jonahuni, Japonija
U 1986 hodzie vadałazy padčas nazirańnia za akułami niečakana znajšli padvodnyja piramidy. Hetaje adkryćcio adrazu ž vyklikała ažyŭlenyja sprečki va ŭsim navukovym śviecie.
Akazałasia, što na hłybini ad 5 da 40 mietraŭ lažać vysiečanyja ŭ kamiani zbudavańni ŭ vyhladzie masiŭnych płatformaŭ i vysokich słupoŭ. Samaja vysokaja piramida siahaje 180 mietraŭ u šyryniu i kala 30 mietraŭ u vyšyniu. Najbolš papularny abjekt nazyvajecca čarapachaj, dziakujučy svajoj niezvyčajnaj formie. Niahledziačy na niebiaśpiečnyja padvodnyja płyni, manumient Jonahuni ŭsio adno zastajecca ŭlubionym miescam dla dajvieraŭ z usiaje krainy.
2. Bimini Roŭd
Daroha z bujnych kamiennych płaścinaŭ mieścicca pad vadoj kala vyspy Bimini (Bahamy). Zbudavańnie pačynajecca na bierazie i ciahniecca kala 800 mietraŭ uhłyb akijana. Tysiačy pramavuholnych błokaŭ pakładzienyja takim čynam, što navukoŭcy dahetul spračajucca, ci była heta prosta daroha, ci ściana — pad pieršym płastom kamianioŭ znajšli jašče adzin. Heta kaža pra toje, što zbudavańnie ŭzrostam 15 000 hod było niekali davoli vysokim.
3. Padvodny horad la Kuby
Hetyja piramidy byli znojdzienyja ŭ 2001 hodzie la ŭźbiarežža Kuby. Ichniaje znachodžańnie na hłybini 700 mietraŭ pieraškadžaje detalnamu vyvučeńniu, tamu, mahčyma, hałoŭnaja častka adkryćcia nas jašče čakaje.
4. Pałac Kleapatry
Pałac Kleapatry ŭ Jehipcie apuściŭsia pad vadu kala 1500 hod tamu ŭ vyniku mocnaha ziemlatrusu. Raskopki jašče praciahvajucca, ale ŭžo zaraz archieołahi znajšli niamała vieličnych skulptur i relihijnych zbudavańniaŭ. Hałoŭnaja ž meta navukoŭcaŭ — hrabnica samoj Kleapatry.
5. Hieraklijon
Hieraklijon — staražytny horad, mistyčna zhubleny ŭ Mižziemnym mory prykładna tysiaču hod tamu, taksama praz mocny ziemlatrus. Vieličnyja zbudavańni znachodziacca na hłybini 46 mietraŭ i zachavalisia vielmi dobra.
Siarod znachodak, akramia budynkaŭ i skulptur, — załatyja zavušnicy, branzalety, špilki, kolcy, hrabiani, sotni maniet. I heta tolki pačatak — asnoŭnyja raskopki jašče napieradzie.
Kamientary