Viečaram 17 kastryčnika dzieviacihadovy chłopčyk nie viarnuŭsia dadomu sa škoły, paviedamili ŭ pres-słužbie UUS Hrodzienskaha abłvykankama. Baćki zabili tryvohu. Pieršapačatkova jany samastojna sprabavali adšukać syna, abśledavali prylehłuju miascovaść, adnak vynikaŭ heta nie dało. Paśla zvarotu ŭ milicyju terminova byli arhanizavanyja pošukavyja mierapryjemstvy.
«Da spravy padklučylisia śpiecyjalisty kryminalnaha vyšuku. Jany paŭtorna abśledavali technałahičnyja pamiaškańni doma, dzie žyło dzicia. Chłopčyk mirna spaŭ na haryščy», — paviedamili ŭ milicyi. Chłopčyk rastłumačyŭ, što zabyŭsia klučy ad kvatery, tamu nie zmoh trapić unutr. U dalejšym vyśvietliłasia, što chłopčyk atrymaŭ u školny dziońnik zaŭvahu i pabajaŭsia pryznacca pra heta baćkam.
U milicyi jašče raz źviarnuli ŭvahu na toje, što ź dziećmi nieabchodna pravodzić hutarki, raspaviadać, jak pravilna pavodzić siabie ŭ toj ci inšaj situacyi.
Kamientary