Alaksandr Łukašenka, naviedvajučy siońnia z rabočaj pajezdkaj Słucki rajon, daručyŭ hubiernataru Minskaj vobłaści Anatolu Isačanku naładzić u rehijonie žaleznuju dyscyplinu, piša BiełTA.
«Žaleznaja pavinna być dyscyplina. Ubačyŭ, što niešta nie tak, skazaŭ adzin raz. Ci nie zrabili — spahaniaj na ŭsiu katušku i nie hladzi, pryvatnaje pradpryjemstva ci nie», - skazaŭ Alaksandr Łukašenka.
Kiraŭnik dziaržavy źviarnuŭ uvahu na biezadkaznaje staŭleńnie asobnych haspadarak da pasiaŭnych płoščaŭ. Tak, pralatajučy na viertalocie, jon zaŭvažyŭ, što vialikija ŭčastki z kukuruzaj apynulisia zatoplenyja vadoj. «Heta śviedčyć ab tym, što my časam nie dumajem, dzie siejać i jak budziem prybirać. Tam, dzie pavinny być travy, vy pasiejali kukuruzu, i pa kalena vada. Vakoł nizina, vada nikudy nie sydzie ŭžo», — skazaŭ jon. Alaksandr Łukašenka papiaredziŭ, što za toje, što za zahinułaje z-za chałatnaści kiraŭnikoŭ ziernie strachavyja kampiensacyi vypłačvacca nie buduć.
Asobna kiraŭnik dziaržavy spyniŭsia na miasamałočnaj vytvorčaści ŭ Minskaj vobłaści, daručyŭšy całkam zahruzić mahutnaści pradpryjemstvaŭ, dzie jość takaja nieabchodnaść. «Słuck — typovy rajon, dzie my pavinny atrymlivać miasa. Heta idealnyja ŭmovy dla vytvorčaści zbožža. Nie treba zabyvać ab vytvorčaści miasa. Bieź śvininy, ptuški, jałavičyny - hetych tradycyjnych vidaŭ - my nie abydziemsia», - padkreśliŭ kiraŭnik krainy.
Pry hetym pradukcyju nieabchodna pastaŭlać nie tolki na ŭnutrany rynak, ale i na zamiežny. Naprykład, pra hatoŭnaść kuplać biełaruskaje charčavańnie na sustrečy ź biełaruskim lideram zajaviŭ prezident Vieniesueły Nikałas Madura. «Jany zapłaciać, jany hatovyja siońnia ŭziać, - skazaŭ Alaksandr Łukašenka. - Asnoŭnaje treba pastaŭlać na ekspart».
Ciapier čytajuć
Uvodziać adkaznaść za prapahandu homaseksualnaści, biaździetnaści, a taksama za niezakonnaje pradstaŭleńnie Biełarusi na mižnarodnaj arenie20
Kamientary