6 kastyčnika ŭ 19:00 u muziei Z. I. Azhura (Miensk, vuł. Azhura, 8) — adkryćcio vystavy hrafiki Vovy Bańko «Dalikatesy», a taksama prezientacyja knihi Jaryły Pšaničnaha «Atamnaja łučyna».
Na imprezie vystupiać tyja muzykanty i litaratary, ź jakimi najbolš supracoŭničaŭ i siabravaŭ Vova:
BARADATY HRYNVIČ
KNIAŹ MYŠKIN
BUBEN & Nasta Labada
ASTRALAPITHECUS
KRITCHEV vs. BAN
GOLOVA
EVGENI ROGOZIN
Illa Sin
Źmicier Višnioŭ
Viktar Žybul.
Uładzimir Bańko (1.11.1973 — 19.04.2015) — adzin ź jarkich pradstaŭnikoŭ biełaruskaha paetyčnaha, muzyčnaha i mastackaha andehraŭndu, zavadatar i ŭdzielnik mnostva muzyčnych i pierformansnych prajektaŭ samaha roznaha kštałtu. Adzin z pačynalnikaŭ biełaruskaha indastryeła. Najbolšuju viadomaść nabyŭ dziakujučy svajoj bieskampramisna ekśpierymientalnaj elektronnaj muzycy (prajekt «Roomdark»).
Jaryła Pšaničny — jahonaje litaraturnaje alter-eha. Asnoŭnaj pracoŭnaj movaj svajoj tvorčaści hety aŭtar zrabiŭ «trasianku» — źjavu, jakajaia znachodzicca pa-za miežami litaraturnaj normy. Satyryčnyja, iraničnyja i niea-sacartaŭskija vieršy stali asnovaj knihi «Piščavyja liški» (2011) — unikalnaj źjavy ŭ kantekście sučasnaj biełaruskaj litaratury.
«Atamnaja łučyna» — druhaja, paśmiarotnaja kniha Jaryły Pšaničnaha, azdoblenaja hrafičnymi pracami aŭtara i fotazdymkami. Nazvu knizie dała adnajmiennaja paema, nad jakoj Jaryła Pšaničny pracavaŭ na praciahu 2010 — 2011 hh. Heta satyryčny vodhuk paeta na ekałahičnyja prablemy sučasnaści, stylizavanaja pad falkłor i fantastyku historyja pra toje, jak «Janka maryŭ stać atamščykam. Jaho abraziŭ Niačyścik Djabła, kab skraści vialiki biełaruski sakret, nakiravaŭ u budučyniu i ažaniŭ».
Akramia litaraturnych tvoraŭ, kniha dazvalaje spaścihnuć i inšaje aŭtarskaje vymiareńnie Vovy Bańko — jaho tonkija i dalikatnyja hrafičnyja raboty. Mienavita jany buduć demanstravacca na vystavie «Dalikatesy».
Ciapier čytajuć
Bieśpiłotnik, jaki ŭpaŭ u Minsku, prylacieŭ z boku Barysava — šmatlikija śviedčańni9
Kamientary