6 кастычніка ў 19:00 у музеі З. І. Азгура (Менск, вул. Азгура, 8) — адкрыццё выставы графікі Вовы Банько «Далікатэсы», а таксама прэзентацыя кнігі Ярылы Пшанічнага «Атамная лучына».
На импрэзе выступяць тыя музыканты і літаратары, з якімі найбольш супрацоўнічаў і сябраваў Вова:
БАРАДАТЫ ГРЫНВІЧ
КНЯЗЬ МЫШКІН
BUBEN & Nasta Labada
ASTRALAPITHECUS
KRITCHEV vs. BAN
GOLOVA
EVGENI ROGOZIN
Ілля Сін
Зміцер Вішнёў
Віктар Жыбуль.
Уладзімір Банько (1.11.1973 — 19.04.2015) — адзін з яркіх прадстаўнікоў беларускага паэтычнага, музычнага і мастацкага андэграўнду, завадатар і ўдзельнік мноства музычных і перформансных праектаў самага рознага кшталту. Адзін з пачынальнікаў беларускага індастрыэла. Найбольшую вядомасць набыў дзякуючы сваёй бескампрамісна эксперыментальнай электроннай музыцы (праект «Roomdark»).
Ярыла Пшанічны — ягонае літаратурнае альтэр-эга. Асноўнай працоўнай мовай сваёй творчасці гэты аўтар зрабіў «трасянку» — з’яву, якаяя знаходзіцца па-за межамі літаратурнай нормы. Сатырычныя, іранічныя і неа-сацартаўскія вершы сталі асновай кнігі «Пішчавыя лішкі» (2011) — унікальнай з’явы ў кантэксце сучаснай беларускай літаратуры.
«Атамная лучына» — другая, пасмяротная кніга Ярылы Пшанічнага, аздобленая графічнымі працамі аўтара і фотаздымкамі. Назву кнізе дала аднайменная паэма, над якой Ярыла Пшанічны працаваў на працягу 2010 — 2011 гг. Гэта сатырычны водгук паэта на экалагічныя праблемы сучаснасці, стылізаваная пад фальклор і фантастыку гісторыя пра тое, як «Янка марыў стаць атамшчыкам. Яго абразіў Нячысьцік Д’ябла, каб скрасці вялікі беларускі сакрэт, накіраваў у будучыню і ажаніў».
Акрамя літаратурных твораў, кніга дазваляе спасцігнуць і іншае аўтарскае вымярэнне Вовы Банько — яго тонкія і далікатныя графічныя работы. Менавіта яны будуць дэманстравацца на выставе «Далікатэсы».
Прамова гэтага мінскага выпускніка на лінейцы ў 2020-м узарвала інтэрнэт. Што з хлопцам цяпер?3
Каментары