Niekalki dziasiatkaŭ narodnych deputataŭ Ukrainy, u pryvatnaści, ad «Samapomačy» i pazafrakcyjnyja, sabralisia ŭ prezidyumie parłamienta i kala trybuny i zabłakavali jaho pracu padčas abmierkavańnia prezidenckaha zakonaprajekta ab reintehracyi Danbasa.
Jak pieradaje UNIAN, u pryvatnaści, deputaty ad «Samapomačy» Jahor Sobaleŭ i Viktoryja Vajcickaja, kali staršyni VR nie było na jaho pracoŭnym miescy, pačali vykručvać mikrafony ź jaho pracoŭnaha miesca. Parubij viarnuŭsia da svajho pracoŭnaha miesca, ale jaho nie puskali sieści. Kala prezidyuma adbyłasia bojka.
«Ja ŭ Minsku bajevikoŭ nie bajusia, vas ja tym bolš nie bajusia! Sieli ŭsie na miesca!» — vykryknuła ŭ mikrafon Iryna Hieraščanka.
Paśla hetaha Parubij abviaściŭ pierapynak i zaklikaŭ lidaraŭ frakcyj sabracca na naradu. Pry hetym z uradavaj łožy sakratar RNBA Alaksandr Turčynaŭ pačaŭ vinavacić deputataŭ ad «Samapomačy» ŭ tym, što jany nie chočuć pryznavać Rasiju akupantam. Da ŭradavaj łožy padyšła narodny deputat Nadzieja Saŭčanka i vyrvała mikrafon u Turčynava.
Kamientary