Amierykanskija vajennyja praciahvajuć pracavać nad niekalkimi prajektami, jakija tyčacca łaziernaj zbroi. Pierśpiektyŭnaja technałohija ŭsio jašče maje istotnyja niedachopy, ale niadaŭna ŭ štacie Ńju-Mieksika na palihonie White Sands amierykanskija vajennyja pasprabavali vyśvietlić, nakolki łaziernaja zbroja moža być efiektyŭnaj u baraćbie ź bieśpiłotnymi latalnymi aparatami.
Na palihonie teściravali łaziernuju ŭstanoŭku ATHENA (Advanced Test High Energy Asset) na 30 kiłavat. Jaje abstalavali śpiecyjalnaj sistemaj naviadzieńnia na ciel. Padčas vyprabavańniaŭ jana zmahła źbić piać bieśpiłotnych latalnych aparataŭ prosta ŭ palocie. Novy optavałakonny łazier dakazaŭ svaju efiektyŭnaść u palavych umovach, dabiŭšysia straty aryjentacyi i pałomki dronaŭ.
Pradstaŭniki kampanii Lockheed Martin, jakija prafinansavali raspracoŭku, adznačyli, što vyprabavańni prajšli pavodle ich raźlikaŭ i čakańniaŭ. Raniej ŭstanoŭku testavali na nieruchomych mišeniach — tady jana taksama pakazała dobryja vyniki.
Kamientary