Siaredniaja zarabotnaja płata ŭ kampanijach, u jakich pracaŭładkavany nie mienš za 10 čałaviek, u žniŭni skłała 4923 złotych biez vyliku padatkaŭ (kala 1060 jeŭra), to bok na ruki rabotnik atrymlivaje kala 3200 złotych (kala 750 jeŭra). Pra heta paviedamiła Hałoŭnaje statystyčnaje ŭpraŭleńnie Polščy.
Takija danyja kažuć ab značnym roście siaredniaj zarpłaty za hod. Akramia taho, tempy rostu zarabotnaj płaty ŭ try razy vyšejšyja za siaredni rost cen u krainie, piša Radyjo Polšča.
U toj ža čas, treci miesiac zapar uzrovień zarobkaŭ u Polščy patrochu padaje. Siaredniaje ŭznaharodžańnie ŭ pradprymalnickim siektary ŭ lipieni składała 4502 złotych, a ŭ červieni — 4508 złotych. Niahledziačy na heta, rabotnikam niama na što skardzicca, bo za apošnija 12 miesiacaŭ siaredni pryrost zarobkaŭ skłaŭ 280 złotych (amal 66 jeŭra), to bok 6,6%.
Varta adznačyć, što zarabotnaja płata ŭ Polščy raście bolš čym u try razy chutčej za ceny na pradukty i pasłuhi. Takim čynam, pakupnickaja zdolnaść palakaŭ pavialičvajecca.
Siaredni temp rostu cen aceńvajecca ŭ 1,8%, choć, viadoma, dla roznych hrup tavaraŭ hetyja praporcyi adroźnivajucca. Ceny na charčovyja tavary i biezałkaholnyja napoi za hod pavialičylisia na 4,3%. U toj ža čas, košt adzieńnia za hod u Polščy źniziŭsia prykładna na 5,7%.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie27
Kamientary