Kran stajaŭ na zialonaj zonie: u Minsku zatrymali arhiencinskaha mastaka-urbanista
18 vieraśnia ŭ Minsku byŭ zatrymany arhiencinski mastak Francyska Basaleci.
«Tak, Francyska zatrymała milicyja, niepasredna zaraz jon znachodzicca ŭ RUUSie Kastryčnickaha rajona. Jaho zatrymali padčas malavańnia murała, bo nie było aficyjnaj papiery, dazvołu na malavańnie, — patłumačyŭ Aleh Łaryčaŭ, viadomy hrafici-mastak i kuratar prajektaŭ, źviazanych z vuličnym mastactvam. — Nasamreč, my vyrašyli pačać malavać murał zahadzia, nie dačakaŭšysia aficyjnaha dazvołu ad uładaŭ, bo mahło nie chapić času».
Siarod hrafici-supołki ŭžo chodziać čutki, što milicyju vyklikała niepasredna administracyja rajona, praz reputacyju Łaryčava.
Plus, niekatoryja hrafici-mastaki śćviardžajuć, što Andrej Šorac, staršynia Minskaha harvykankama, bačyŭ eskiz murała Basaleci, i hety eskiz čynoŭniku nie spadabaŭsia.
Pa słovach Aleha Łaryčava, ciapier vyzvaleńniem mastaka zajmajecca italjanskaja ambasada (Francyska maje italjanski pašpart).
«Abvinavaciać chutčej za ŭsio ŭ psavańni majomaści. Ale heta jašče nie dakładna. Pakul ja viedaju, što Francyska vinavaciać u tym, što vyška była pryparkavanaja na zialonaj zonie», — paviedamiŭ Łaryčaŭ.
Francyska Basaleci — arhiencinski mastak. Zajmajecca stryt-artam, asnoŭnuju viadomaść jamu prynieśli «niehatyŭnyja freski» — murały ŭ koleravaj inviersii. Adzin z takich murałaŭ Basaleci płanavaŭ namalavać u Minsku.
Jak paźniej paviedamiŭ Aleh Łaryčaŭ, paśla pravierki dakumientaŭ u Kastryčnickim RUUS, Basaleci adpuścili.
Ciapier čytajuć
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty15
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary