Małdaŭskija vajskoŭcy, adkaznyja za adpraŭku sałdat Nacyjanalnaj armii krainy na vučeńni va Ukrainu, mohuć być panižanyja ŭ zvańni. Rasparadžeńnie prezidenta krainy Ihara Dadona apublikavaŭ na svajoj staroncy ŭ fejsbuku jaho pres-sakratar Ion Čaban, paviedamlaje RBK.
Pavodle tekstu prezidenckaha dekreta, padobnaje pieramiaščeńnie vojskaŭ Małdovy «supiarečyć Kanstytucyi krainy» i inšym zakonam. Prezident Ihar Dadon zahadaŭ adsačyć pieramiaščeńni bajavych padraździaleńniaŭ. U vypadku, kali budzie adznačanaja ich adsutnaść u Małdovie, kiraŭnik dziaržavy pryhraziŭ prymianić adpaviednyja rašeńni ŭ dačynieńni da adkaznych asob, «u tym liku panižeńnie ŭ pasadzie i voinskich zvańniach».
Vajennyja Małdovy 7 vieraśnia prybyli na vučeńni NATA Rapid Trident — 2017. Prezident Małdovy Ihar Dadon 5 vieraśnia zabaraniŭ vajskoŭcam krainy ŭdzieł u ich, adnak, jak adznačana ŭ paviedamleńni pres-sakratara prezidenta, nočču była apublikavanaja pastanova ŭrada ab udziele armii krainy ŭ hetych manieŭrach. Kiraŭnik dziaržavy maje namier źviarnucca ŭ Kanstytucyjny sud krainy, a taksama ličyć, što na dadzieny momant jaho rašeńnie ab zabaronie ŭdziełu ŭ vučeńniach sapraŭdnaje.
Pra toje, što NATA praviadzie va Ukrainie vučeńni Rapid Trident — 2017, stała viadoma jašče ŭ studzieni. Jany pačnucca na adnym z palihonaŭ u Lvoŭskaj vobłaści. U ich voźmuć udzieł 2,5 tys. vajskoŭcaŭ z 14 krain. Usiaho ŭ ramkach prahramy aljansu «Partniorstva dziela miru» Ukrainu naviedajuć da śniežnia 3 tys. vajskoŭcaŭ ZŠA i NATA z uzbrajeńniem i vajskovaj technikaj.
Ciapier čytajuć
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary