Da fiestyvalu LIDBEER zastałosia 2 dni. Arhanizatary ŭžo va ŭsiu moc rychtujucca da śviata: pieršyja mantažnyja raboty ŭ horadzie viaducca z učorašniaha dnia. Darečy, sinoptyki prahnazujuć dobraje nadvorje, a LIDBEER — nasyčanuju prahramu, dobry nastroj i vystupleńni adnych z najlepšych hurtoŭ Biełarusi, Rasii i Ukrainy.
Hała-kancert
U hetym hodzie LIDBEER prykłaŭ usie namahańni dla taho, kab haściam fiestyvalu było kamfortna. Mienavita z hetaj pryčyny zona hała-kancerta stała płatnaj: akramia vystupaŭ muzykaŭ, jakija projduć uviečary, z 10:00 na terytoryi budzie pracavać fudkort, roznyja aktyvacyi i vialikaja sanitarnaja zona. Košt kvitkoŭ — 15 rubloŭ, u dzień festu kvitki možna budzie nabyć u fiestyvalnych kasach, jakija raźmieściacca pa ŭsim horadzie.
Raskład vystupaŭ (u prahramie mahčymyja niaznačnyja źmieny):
18.00 — 18:45 — Pietla Pristrastija
19:00 — 19:45 — Krambambula
20:00 — 21:00 — LUMEN
21:30 — 23:00 — Akijan Elzy
Nahadvajem, što vystup Akijan Elzy na LIDBEER stanie apošnim u Biełarusi pierad tvorčym adpačynkam. Šalonaja enierhietyka, charyzma ŭ čystym vyhladzie i lubimyja chity — užo 9 vieraśnia na LIDBEER.
Fudkort
Fudkort pačynaje svaju pracu z 10:00. Užo ŭ hety čas hości zmohuć pasprabavać usie tyja pačastunki, jakija padrychtavali fud-partniory dla fiestyvalu. Na LIDBEER budzie pracavać bolš za 100 punktaŭ ź ježaj: vialiki vybar stryt-fudu — chot-dohi i burhiery, roznyja picy i bulba fry, stravy z ryby (juška i varanyja raki), chatniaja i sałdackaja kuchnia, šašłyki z roznaha miasa, vialikaja kolkaść napojaŭ: pitnaja vada, sałodkija napoi i soki, kava i harbata. Jak i ŭ minułym hodzie, piva i ježa buduć pradavacca asobna, praduhledžany i sumiesnyja punkty prodažu ježy i napojaŭ. Piva možna budzie nabyć pa adzinym košcie — 2, 5 rubla za abjom 0,5 litra. Darečy, fudkort budzie pracavać dapazna.
Źviartajem vašu ŭvahu na toje, što raśpićcio piva dazvolena tolki na terytoryi fudkorta. Prachod ź pivam na terytoryju kancertnych placovak zabaronieny. Taksama na ŭsie fiestyvalnyja zony zabaraniajecca pranosić piva i inšyja napoi ŭ šklanoj tary. Poŭny pieralik praviłaŭ fiestyvalu raźmieščany na sajcie lidbeer.by.
Aktyvacyi
Z 10:00 pačnuć svaju pracu i pieršyja fiestyvalnyja aktyvacyi. U 11:00 na Małoj scenie adbudziecca adkryćcio dnia horada, a ŭ 12.30 kala Lidskaha zamka — aficyjnaje adkryćcio fiestyvalu. Z 13:30 da 18:00 na Małoj scenie možna budzie pačuć vystupy biełaruskich kalektyvaŭ. Na LIDBEER kožnamu znojdziecca zaniatak pa dušy. Tut i vialikaja dziciačaja placoŭka z animatarami, nadzimanym batutam i inšymi zabaŭkami, pa ŭsioj fiestyvalnaj terytoryi raźmieściacca fotazony, nastolnyja hulni i mini-kvesty, moŭnyja hulni, stralba z łuka i fryśbi i inšyja aktyŭnaści dla amataraŭ aktyŭnaha adpačynku. Dla darosłych i maleńkich haściej taksama budzie pracavać cyrk Sierža Bandarčuka «DZIVA». Pakaz «Čaroŭny cyrk» z udziełam akrabataŭ i iluzijanistaŭ, kłoŭnaŭ i žanhloraŭ, dresiroŭščykaŭ i ich hadavancaŭ možna budzie naviedać u 14:00. Košt płatnych aktyvacyj fiestyvalu — ad 1 da 20 rubloŭ, kvitki na cyrkavyja pakazy — ad 12 da 25 rubloŭ.
Z 10:00 da 17:30 hości festu atrymajuć mahčymaść biaspłatna naviedać ekskursiju na vytvorčaść AAT «Lidskaje piva». Zapisacca na ekskursiju možna budzie niepasredna ŭ dzień fiestyvalu — na śpiecyjalnym stendzie, raźmieščanym kala zavoda. Kolkaść hrup i miescaŭ abmiežavana!
Hości fiestyvalu taksama mohuć uziać udzieł u interaktyŭnym kveście i atrymać roznyja pryzy i padarunki. Dla hetaha nieabchodna spampavać aficyjny dadatak LIDBEER-2017 u ličbavych markietach. Dadatak užo dastupny dla zapampoŭki ŭ Google Play i ŭ App Store. U dadatku, akramia kvestu, karystalniki znojduć prahramu i kartu, a taksama infarmacyju pra muzykaŭ, jakija vystupajuć na vialikaj i małoj scenach.
Kiempinh
Dla tych, chto płanuje viesialicca ŭsiu noč, a na nastupny dzień paznajomicca ź Lidaj, — arhanizavany kiempinh. Raźbić pałatku možna budzie ŭžo ŭ 9:00 9 vieraśnia. Tyja hości, u jakich ułasnaj pałatki niama, mohuć zahadzia zabraniravać pałatku pa nastupnych telefonach: +375 29 620 47 95, +375 29 798 65 75. Pryjazdžajecie, składajecie damovu arendy — i ŭ vas užo jość impravizavany dom. Arenda pałatki — ad 14 da 18 rubloŭ. U zonie kiempinha zabaroniena palić vohniščy. Adnak pryvieźci z saboj manhał abo kazan abo ŭziać jaho ŭ arendu možna. U hetym hodzie namiotavy haradok raźmiaściŭsia za 10 chvilinaŭ chady ad hałoŭnaj sceny, i parkoŭka dla ŭsich žycharoŭ kiempinha biaspłatnaja. Pakinuć kiempinh treba da 15:00 10 vieraśnia.
Jak dabracca ŭ Lidu?
Na hałoŭnaj trasie, jakaja złučaje Minsk i Lidu, pravodziacca ramontnyja raboty, tamu dabiracca pa hetaj mahistrali biełarusy buduć daŭžej za ŭsio. Kali vy jedziecie na svaim aŭtamabili, rekamiendujem źviarnuć uvahu na nastupnyja maršruty: pa trasie M6 — 150 km da źjezdu na darohu M11/Je85, a taksama pa trasie Je30/M1 — 51 km da źjezdu na h.p. Mir (daroha R64). Kala Mira treba budzie paviarnuć na trasu R11 i jechać da vioski Hančary, a zatym vyjechać na trasu Je85, jakaja i pryviadzie vas u Lidu.
Dla tych, u kaho ŭłasnaha transpartu niama, možna skarystacca aficyjnymi bas-turami, u košt jakich uvachodzić bilet na hała-kancert i daroha ź Minska ŭ Lidu i ź Lidy ŭ Minsk.
Papiaredžvajem žycharoŭ i haściej horada, što z 10:00 7 vieraśnia budzie pierakryty ruch u horadzie na vulicach Zamkavaja i Hrunvaldskaja, a taksama zabaronieny ŭjezd na parkoŭki Lidskaha vykankama pa vuł. Leninskaj i na parkoŭku Pałaca kultury pa vuł. Taŭłaja. 8 vieraśnia budzie całkam pierakryty ruch pa vuł. Leninskaj. Karta parkovak i pierakryćcia horada ŭ dzień fiestyvalu vyhladaje nastupnym čynam:
LIDBEER-2017 — budzie hučna!
Uvachod na fiestyval svabodny.
Košt kvitkoŭ na hała-kancert: 15 rubloŭ
Košt kvitkoŭ na bas-tury: 34, 50 rubloŭ
Bilety možna nabyć biez kamisii biletnaha apieratara na sajcie lidbeer.by, a taksama ŭ kasach horada.
Kamientary