U adpaviednaści z dakumientam, jaki apublikavała pres-słužba Jelisiejskaha pałaca, vyznačany «hramadskaja rola i zadačy žonki prezidenta Francyi». U pryvatnaści, havorycca, što jana moža supravadžać muža padčas aficyjnych vizitaŭ, a taksama ŭ čas mižnarodnych samitaŭ.
Akramia taho, jana sama moža arhanizoŭvać mierapryjemstvy, jakija buduć spryjać pavyšeńniu mižnarodnaha ŭpłyvu Francyi. Pryjarytetam źjaŭlajucca ŭzajemadziejańnie z hramadzianskaj supolnaściu, pytańni adukacyi, achovy zdaroŭja, kultury, abarony dziacinstva i roŭnaści pałoŭ.
Adkaz na asnoŭnaje pytańnie, jakoje chvalavała hramadskaść i pryviało da padzieńnia rejtynhu Emaniuela Makrona, źmiaščajecca ŭ druhoj častcy chartyi. Tam havorycca pra toje, što ŭ žonki prezidenta niama ŭłasnaha biudžetu, niama zarobku jak takoha, a taksama pradstaŭnickich vydatkaŭ. Jana moža raźličvać na dvuch kansultantaŭ, hrupu sakrataroŭ, dziaržaŭnuju achovu.
Paśla pieramohi na vybarach prezident Francyi Emaniuel Makron prapanavaŭ pryniać statut pieršaj łedzi, jaki dazvalaje vydzialać hrošy ź dziaržaŭnaj kazny dla jaho žonki Bryžyt i pryniać jaho praz parłamient. Adnak praciŭniki hetaj zadumy zajavili, što niama nijakich pryčyn, čamu žonka kiraŭnika dziaržavy moža ŭtrymlivacca za košt dziaržaŭnych srodkaŭ. U karotki termin jana nabrała bolš za 300 tysiač podpisaŭ.
U hetych umovach rejtynh samoha Makron źniziŭsia z 64 da 54%. Akramia skandału vakoł žonki hetamu spryjali taksama namiery prezidenta pavialičyć vajenny biudžet, pavysić piensijnyja ŭznosy i refarmavać pravavuju sistemu.
Kamientary