Najbližejšymi dniami čakajecca vielmi kantrasnaje pa tempieratury nadvorje pamiž zachadam i uschodam, raspavioŭ TUT.BY načalnik słužby mietearałahičnych prahnozaŭ Biełhidramieta Minpryrody Dźmitryj Rabaŭ.
U subotu pieravažna biez apadkaŭ, tolki nočču pa Viciebskaj vobłaści, a dniom u krajnich paŭdniova-zachodnich rajonach krainy karotkačasovyja daždžy, miescami navalnicy. Viecier paŭdniovy 4—9 m/s, pry navalnicach paryvy da 14 m/s. Tempieratura nočču +15 — +20°S, dniom da +34°S, u suviazi z čym abvieščany aranžavy ŭzrovień niebiaśpieki.
U stalicy biez apadkaŭ. Viecier paŭdniovy 4—9 m/s. Tempieratura nočču +17 + 19°S, dniom +30 + 32 ° S.
U njadzielu, 20 žniŭnia, na ŭschodzie zastaniecca śpiakotna, a voś na zachad krainy z terytoryi Polščy pastupać chałodnyja pavietranyja masy z paŭnočnaha zachadu Jeŭropy. Nočču ŭ zachodnich rajonach, dniom pa zachodniaj pałovie krainy karotkačasovyja daždžy.
U asobnych rajonach navalnicy, ranicaj i dniom mocnyja daždžy, mahčymy hrad. Tempieratura dniom ad +16 + 22°S pa zachadzie da +30 + 34°S pa ŭschodzie.
U Minsku ŭ druhoj pałovie dnia mahčymy karotkačasovy doždž. Tempieratura nočču +17 + 19°S, dniom +23 + 25°S.
U paniadziełak nadvorje budzie farmavać małaruchomaja frantalnaja sistema. Pa zachodniaj pałovie, a dniom miescami i va ŭschodnich rajonach karotkačasovyja daždžy. U asobnych rajonach navalnicy, mocnyja daždžy, dniom mahčymy hrad.
U Minsku ŭ paniadziełak projdzie karotkačasovy doždž. Tempieratura nočču składzie 13-15 hradusaŭ vyšej za nul, dniom budzie 16-18.
Kamientary