25 žniŭnia Ŭładzimieru Arłovu spoŭniłasia 55 hadoŭ. Aŭtar bolš troch dziasiatkaŭ knihaŭ apošnim časam addaje pieravahu nie tradycyjnym papiarovym falijantam, a maleńkim hukavym litaraturnym dyskam. Ale nie abmiažoŭvajecca imi.
25 žniŭnia Ŭładzimieru Arłovu spoŭniłasia 55 hadoŭ. Aŭtar bolš troch dziasiatkaŭ knihaŭ apošnim časam addaje pieravahu nie tradycyjnym papiarovym falijantam, a maleńkim hukavym litaraturnym dyskam. Tłumačyć jon žadańnie vydavać svaje tvory ŭ vyhladzie aŭdyjoknihaŭ tym, što sučasnamu čałavieku niama času čytać mastackuju litaraturu, a na dyskach jon moža słuchać abranyja tvory ŭ aŭto, metro i navat u basejnie ci ŭ rečcy. Što robić i sam piśmieńnik, vandrujučy ŭ hetyja dni pa aziornaj Viciebščynie. Adtul pa telefonie jon raskazaŭ pra toje, što robić u dni jubileju: «Niečakana znoŭ pačali naradžacca vieršy, jakija, ja spadziajusia, składuć novy paetyčny zbornik. Darečy, hetuju knihu ja chaču vydać biełaruskaj łacinkaju, kab takim čynam padtrymać šmatviekavuju tradycyju našaj łacinicy. Adnačasova heta peŭnym čynam zaśviedčyć i maju pazycyju ŭ sprečcy prychilnikaŭ narkamaŭki i taraškievicy.
Aprača vieršaŭ jość i štodzionnaja praca nad praciaham našaj ź Źmitrom Hierasimovičam knihi «Kraina Biełaruś. Ilustravanaja historyja». Novaje vydańnie pryśviečana minułamu Vialikaha Kniastva Litoŭskaha.
A jakraz siońnia ja atrymaŭ syhnalny asobnik svajoj novaj aŭdyjoknihi histaryčnych apoviaściaŭ i apaviadańniaŭ «Sny imperatara». Heta ŭžo čaćviortaje vydańnie maich tekstaŭ u takim farmacie. Raniej byli «Čas čumy», «Adkul naš rod», «Tajamnicy połackaj historyi». Nieŭzabavie vyjdzie jašče «Orden Biełaj Myšy», a na čarzie – aŭdyjodysk «Paŭstancy». Razam atrymajecca cełaja aŭdyjobiblijatečka, za źjaŭleńnie jakoj ja ŭdziačny jašče zusim maładoj firmie «Biełtonmedyja» i jaje dyrektaru Alesiu Kałošu.
Ciapier čytajuć
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary