Jon prydumaŭ lehiendu — pačatkoviec-biznesoviec, što zajmajecca realizacyjaj darahich mabilnych telefonaŭ, paviedamlaje pres-słužba minskaj milicyi.
«U prejskurancie byli ŭkazany iPhone 7 za $ 550 i iPhone 7 Plus za $ 650. Mužčyna śćviardžaŭ, što nizkija ceny abumoŭleny tym, što aparaty pryviezieny z ZŠA, a taksama pieradadzienyja jamu partniorami pa biznesie z Rasii. Darečy, niekalki telefonaŭ, jakija byli ŭziatyja u rasterminoŭku ŭ staličnych sałonach sotavaj suviazi, sapraŭdy byli pradadzienyja ščaślivym uładalnikam pa ŭkazanych cenach, tak što infarmacyja ab vyhadnaj pakupcy raźlaciełasia pa Minsku, i klijenckaja baza značna pašyryłasia».
Machlar braŭ z pakupnikoŭ častkovuju ci poŭnuju pieradapłatu i ŭ vyniku zavałodaŭ sumaj bolš za $ 60 tys. Častka pakupnikoŭ chacieli nabyć telefony dla ŭłasnaha karystańnia, a niekatoryja pradprymalnyja haradžanie spadziavalisia pierapradać aparaty daražej i apłačvali cełyja partyi.
U dačynieńni da zatrymanaha raspačata 4 kryminalnyja spravy pa art.209 (machlarstva) KK RB.
U milicyi ŭžo zarehistravana 15 zajaŭ ad paciarpiełych asob, adnak u pravaachoŭnikaŭ jość infarmacyja, što pakupnikoŭ było značna bolej
Kali Vy paciarpieli ad ašukanskich dziejańniaŭ mužčyny na fota, milicyja prosić źviartacca ŭ Savieckaje RUUS stalicy asabista abo pa telefonach: (8017) 239-67-89, (8017) 292-02-02, 102.
Ciapier čytajuć
«Ja jedu natchnicca ŭkraincami». Śviatłana Cichanoŭskaja pačała aficyjny vizit va Ukrainu12
Kamientary