Prezident Małdovy Ihar Dadon napisaŭ na svajoj staroncy ŭ Facebook, što pačynajuć vykonvacca damoŭlenaści z Alaksandram Łukašenkam, dasiahnutyja padčas jaho niadaŭniaha vizitu ŭ Minsk. Paźniej źjaviłasia i aficyjnaje paviedamleńnie prezidenckaj pres-słužby.
Jak piša Ihar Dodon, zhodna z dasiahnutymi pahadnieńniami Biełaruś daść Małdovie ŭ jakaści humanitarnaj dapamohi partyju sielskahaspadarčaj techniki — piać traktaroŭ MTZ-82 i dźvie śpiecyjalnyja mašyny, jakija papoŭniać park kamunalnaj techniki.
Akramia taho, budzie arhanizavany adpačynak dla dziaciej ź niaščasnych siemjaŭ u centry adpačynku «Zubrania».
Taksama raspracoŭvajecca pahadnieńnie ab pavieličeńni dostupu da miedycynskich pasłuh dla małdavan, jakija pražyvajuć u Biełarusi.
«Pracujem dalej!» — padsumavaŭ Dadon i dadaŭ, što 30 vieraśnia ŭ Minsku budzie arhanizavany Fiestyval małdaŭskaha vina.
Jak dakładvaje Interfaks, małdaŭskija ŚMI krytykavali vizit Dadona ŭ Biełaruś, acaniŭšy jaho jak «turystyčnuju pajezdku».
Tady ŭ skład delehacyja byli ŭklučanyja vyklučna supracoŭniki aparata prezidenta i siabry praŭładnaj «Partyi sacyjalistaŭ», ale nivodnaha pradstaŭnika aparatu ŭrada. Pry hetym sustreča z Łukašenkam prajšła ŭ Viciebsku, dzie kiraŭniki ŭdzielničali ŭ adkryćci fiestyvalu «Słavianski bazar».
U Minsk členy Małdaŭskaj delehacyja prylacieli rejsavym samalotam praz Maskvu, a nazad, pa rasparadžeńni Łukašenki, dla ich byŭ arhanizavany śpiecyjalny avijarejs.
Kamientary