Moŭnyja tendencyi ŭ biełaruskaj siaredniaj adukacyi.
Kolki školnikaŭ u Biełarusi vučacca pa-biełarusku — daznacca niemahčyma. Ministerstva adukacyi na svaim sajcie abnaŭlać hetkija źviestki kinuła ŭ 2006-m.
Staršynia TBŠ Aleś Łozka kaža, što sproby vyśvietlić, jaki siońnia stan ź biełaruskamoŭnaj adukacyjaj, natykajucca na hłuchuju ścianu:
«My niekalki razoŭ źviartalisia ŭ Minadukacyi, ale nie atrymali nijakaha adkazu, navat adpiski».
Možna ŭjavić, što hanarycca niama čym, — dastatkova zirnuć na tendencyju da vyciskańnia biełaruskaj movy z škołaŭ da 2006 hodu.
| 1998/ 1999 | 1999/ 2000 | 2000/ 2001 | 2001/ 2002 | 2002/ 2003 | 2003/ 2004 | 2004/ 2005 | 2005/ 2006 | |
| h.Miensk | 11,2 | 9,5 | 8,4 | 7,3 | 6,4 | 5,1 | 4,2 | 3,6 |
| Bieraściejskaja | 32,0 | 30,7 | 30,2 | 28,8 | 27,6 | 26,9 | 26,4 | 28,5 |
| Viciebskaja | 25,2 | 25,9 | 24,5 | 23,8 | 23,0 | 23,1 | 21,5 | 21,0 |
| Homielskaja | 20,7 | 20,4 | 20,3 | 19,8 | 18,9 | 18,4 | 18,6 | 17,3 |
| Haradzienskaja | 51,0 | 50,3 | 48,3 | 45,9 | 41,9 | 38,1 | 35,2 | 31,9 |
| Mienskaja | 54,4 | 54,0 | 52,6 | 50,8 | 47,9 | 44,5 | 42,6 | 43,0 |
| Mahiloŭskaja | 22,1 | 22,9 | 21,6 | 21,0 | 20,8 | 19,9 | 20,5 | 18,8 |
| Usiaho | 30,5 | 30,0 | 29,0 | 27,8 | 26,3 | 24,8 | 23,8 | 23,3 |
Z taho, što viadoma — sioleta nie adčynicca 91 škoła. Usie jany byli viaskovyja, i, pavodle spadara Łozki, pieravažna biełaruskamoŭnyja:
- U Viciebskaj vobłaści začynili 30 škoł,
- u Mienskaj vobłaści — 20 škoł
- u Mahiloŭskaj vobłaści — 13 škoł
- u Haradzienskaj vobłaści — 12 škoł
- u Homielskaj vobłaści — 9 škoł
- u Bieraściejskaj vobłaści — 7 škoł
Pavodle sp. Łozki, kali baćki chočuć vučyć dzicio pa-biełarusku, heta stanovicca ichniaj prablemaj. Jany musiać sami sabrać cełuju klasu, kab načalstva paličyła vykładańnie pa-biełarusku metazhodnym.
«Kali my sprabavali znajści baćkoŭ, jakija b addali dzietak u biełaruskamoŭnuju klasu, nam nie dazvalali navat nakleić abviestku ŭ škole, — raspaviadaje Aleś Łozka. — A kali baćki telefanavali da dyrektara, toj adkazvaŭ, što ŭ ich niama nivodnaj zajavy na biełaruskamoŭnaje navučańnie, tamu, maŭlaŭ, zapisvajciesia ŭ rasiejskamoŭnuju klasu».
Dyj sami baćki, byvaje, vystupajuć suprać biełaruskaj movy. Niekatoryja nia suprać uvohule, kab možna było, uvohule admovicca ad urokaŭ biełaruskaj movy. Hetkaje pytańnie sustrełasia na forumie Ministerstva adukacyi.
Letaś pavodle žadańnia bolšaści baćkoŭ status biełaruskamoŭnaj straciła hłybockaja škoła № 3 — apošniaja haradzkaja biełaruskamoŭnaja škoła na Viciebščynie.
A navat kali dziciaci i pašancuje trapić u biełaruskamoŭnuju škołu, heta nia značyć, što jon budzie čuć svaju movu paŭsiul. Fizkultura, zamiežnyja movy, infarmatyka časta viaducca pa-rasiejsku — «pa techničnych pryčynach». Naprykład, dla ŭrokaŭ infarmatyki čynoŭniki ad adukacyi dasiul nie parupilisia pra biełaruskamoŭnaje prahramnaje zabieśpiačeńnie, choć źbiełarusizavać prahramu — nie prablema navat dla juzeraŭ-entuzijastaŭ.
U afarmleńni vykarystany plakat Uładzimiera Krukoŭskaha
Statystyčnyja źviestki ŭziatyja z sajtu Ministerstva adukacyi
Fota zastaŭki — Biełaruś-foto
Ciapier čytajuć
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi4
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7777
Kamientary