Biełaruskija tancy na bałkonach i dachu pad ukrainski «Pianoboj». Prezientavali pieršuju niesurjoznuju kanstytucyju častki Minska
Artykuł № 10 kanstytucyi Novaj Baravoj apaviaščaje: kožny maje prava zładzić kancert prama ŭ siabie ŭ dvary. I debiutnaja dla kvartała viečaryna ŭžo adbyłasia: pad adkrytym niebam na Centralnaj płoščy tut vystupiŭ papularny ŭkrainski hurt «Pianoboj».
Za emacyjnymi śpievami i teatralizacyjaj artystaŭ nazirali ź placoŭki kala nievialikaha amfiteatra, z teras, praz rasčynienyja vokny i navat z dachaŭ. Žychary śviatkavali naradžeńnie svajoj ułasnaj kanstytucyi ŭ jaje niepasrednym dziejańni. Dobra, kali dvarovy farmat kancertaŭ ciapier padchopiać i inšyja arhanizatary, bo jon trapiŭ u samaje serca ludziej: tančyli nie tolki dzieci, ale i darosłyja z pažyłymi parami. U siabie ŭ dvary, z susiedziami dy siabrami, byccam heta było ahulnaje vialikaje śviata.
«My niekalki razoŭ u žyćci hrali «na rajonie», praŭda, va Ukrainie ŭžo daŭno tak nie vystupali: u asnoŭnym, praktykujem solniki ŭ załach, na fiestyvalach ci zialonych teatrach. Mnie zdajecca, što taki «kamierny» farmat vystupaŭ — heta vielmi kruta i cikava, — padzialiŭsia svaimi ŭražańniami ad pieršaha minskaha kancerta lidar «Pianoboj» Źmicier Šuraŭ. — Mianie zaŭsiody adšturchoŭvała ŭ vialikich haradach, asabliva postsavieckich, što ludzi niejkija niepryjaznyja, nie viedajuć adzin adnaho, žyvuć, jak u murašniku. Vielmi spadziajusia, što žycharam hetaha rajona atrymajecca stvaryć svaju asablivuju atmaśfieru».
Novaja Baravaja stała pieršym minskim rajonam, žychary jakoha napisali svaje žyćciovyja zakony i stali inicyjatarami stvareńnia niesurjoznaj kanstytucyi ŭsiaho Minska. Praviły tyčacca kureńnia pry dzieciach, viełasipiednaha ruchu, kolkaści raślin i navat abaviazacielstva ŭśmichacca ŭ lifcie susiedziam. Ciapier zbor takich voś instrukcyj praciahvajecca i ŭ «starych» staličnych rajonach. Kali naźbirajecca bolš za tysiaču historyj, śviet ubačyć humarnaja kanstytucyja ŭsiaho horada: žychary stalicy i turysty zmohuć karystacca joj, kab daśledavać kvartały Kamiennaj Horki ci vučycca razmaŭlać na adnoj movie ź miascovymi z Čyžoŭki.
Čytajcie taksama: «U Šabanach niama pjanych ludziej, tamu što ŭsie buchajuć na inšych rajonach». Praviły žyćcia minskich kvartałaŭ
-
«Ja zakančvaju efir, ja prosta nie mahu». Kavieryna daviała da šalenstva dyskusija sa śviatarom Šramko
-
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja
-
Biełaruskim sanatoryjam u Rasii ekanamičny kryzis tolki na karyść
Ciapier čytajuć
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja5
Kamientary