Zabojstva byłoha deputata Dziarždumy Rasii Dzianisa Varanienkava zamovili rasijskija kryminalnyja aŭtarytety, jakimi apiakujecca FSB, miarkuje ŭdava zabitaha Maryja Maksakava. Na jaje dumku, jany mohuć być źviazanyja z bandaj abnajaŭščykaŭ z Dnieprapiatroŭska, u jakuju ŭvachodzili dvoje z troch mierkavanych vykanaŭcaŭ zabojstva.
Maksakava skazała, što nie ličyć zabojstva palityčnym. «Pucinu nie treba było heta zabojstva», — skazała jana.
Udava Varanienkava adkarektavała svaju viersiju. U mai jana nazyvała ŭ jakaści zakazčyka imia eks-kiraŭnika ŭpraŭleńnia słužby biaśpieki FSB Aleha Fieakcistava. Ciapier jana sumniavajecca, što jon asabista addavaŭ zahad na zabojstva Varanienkava. «Hety padarunak» jamu padnieśli kryminalnyja aŭtarytety, ličyć Maksakava.
«Śled idzie da rasijskich kryminalnych aŭtarytetaŭ, jakija «kryšujucca» voś tymi samymi ludźmi, pra jakich ja kažu», - śćviardžaje Maksakava. Jana nie stała nazyvać ich imionaŭ.
Na jaje dumku, mienavita hetyja kryminalnyja aŭtarytety vyjšli na bandu kileraŭ, jakija sami ŭvachodzili ŭ vialikuju hrupoŭku abnajaŭščykaŭ u Dnieprapiatroŭsku, jakaja maje svaje suviazi z Maskvoj.
Zaraz u spravie pra zabojstva Varanienkava 23 sakavika ŭ Kijevie, fihurujuć try čałavieki. Siarod ich Pavieł Paršoŭ, jaki, pavodle źviestak MUS, stralaŭ u Varanienkava. Jon pamior u reanimacyi ad atrymanych pry stralbie z achoŭnikam Varanienkava traŭmaŭ. Inšy fihurant - Jarasłaŭ Levianiec, blizki siabar Paršova, ź jakimi jany słužyli ŭ ATA i razam zdymali kvateru ŭ Kijevie pierad zabojstvam. Jon źnik adrazu ž paśla złačynstva i abvieščany ŭ vyšuk. Jašče adzin čałaviek - kiroŭca Jarasłaŭ Tarasienka, jaki, jak ličać śledčyja, padvioz kilera da miesca złačynstva. Jaho zatrymali ŭ červieni, jon adziny z padazravanych u zabojstvie znachodzicca pad vartaj.
Ciapier čytajuć
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty9
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary