Забойства былога дэпутата Дзярждумы Расіі Дзяніса Вараненкава замовілі расійскія крымінальныя аўтарытэты, якімі апякуецца ФСБ, мяркуе ўдава забітага Марыя Максакава. На яе думку, яны могуць быць звязаныя з бандай абнаяўшчыкаў з Днепрапятроўска, у якую ўваходзілі двое з трох меркаваных выканаўцаў забойства.
Максакава сказала, што не лічыць забойства палітычным. «Пуціну не трэба было гэта забойства», — сказала яна.
Удава Вараненкава адкарэктавала сваю версію. У маі яна называла ў якасці заказчыка імя экс-кіраўніка ўпраўлення службы бяспекі ФСБ Алега Феакцістава. Цяпер яна сумняваецца, што ён асабіста аддаваў загад на забойства Вараненкава. «Гэты падарунак» яму паднеслі крымінальныя аўтарытэты, лічыць Максакава.
«След ідзе да расійскіх крымінальных аўтарытэтаў, якія «крышуюцца» вось тымі самымі людзьмі, пра якіх я кажу», - сцвярджае Максакава. Яна не стала называць іх імёнаў.
На яе думку, менавіта гэтыя крымінальныя аўтарытэты выйшлі на банду кілераў, якія самі ўваходзілі ў вялікую групоўку абнаяўшчыкаў у Днепрапятроўску, якая мае свае сувязі з Масквой.
Зараз у справе пра забойства Вараненкава 23 сакавіка ў Кіеве, фігуруюць тры чалавекі. Сярод іх Павел Паршоў, які, паводле звестак МУС, страляў у Вараненкава. Ён памёр у рэанімацыі ад атрыманых пры стральбе з ахоўнікам Вараненкава траўмаў. Іншы фігурант - Яраслаў Левянец, блізкі сябар Паршова, з якімі яны служылі ў АТА і разам здымалі кватэру ў Кіеве перад забойствам. Ён знік адразу ж пасля злачынства і абвешчаны ў вышук. Яшчэ адзін чалавек - кіроўца Яраслаў Тарасенка, які, як лічаць следчыя, падвёз кілера да месца злачынства. Яго затрымалі ў чэрвені, ён адзіны з падазраваных у забойстве знаходзіцца пад вартай.
-
«Спыніць сітуацыю, калі людзі знаходзяцца на ўтрыманні дзяржавы ад самага прыезду». Ірландыя прапануе ўкраінцам «шчодрыя» выплаты за вяртанне дадому
-
Праз канфлікт з Папам Рымскім Трамп пачаў страчваць падтрымку выбаршчыкаў. У Вашынгтоне загаварылі пра прымірэнне
-
У Томску знеслі помнік рэпрэсаваным: сярод іх былі дэпартаваныя з Беларусі палякі, а таксама беларусы, якіх прымушалі змяняць нацыянальнасць
Цяпер чытаюць
Максім Знак: Мы з Ціханоўскай зайшлі падаваць скаргу ў кабінет Ярмошынай — але Ярмошынай там не было59
Каментары