Ministerstva abarony Rasii zajaviła, što spyniaje ŭzajemadziejańnie sa Złučanymi Štatami ŭ ramkach miemaranduma ab praduchileńni incydentaŭ u niebie nad Siryjaj paśla taho, jak siły kaalicyi, jakuju ŭznačalvajuć ZŠA, źbili siryjski źniščalnik.
U viedamstvie taksama pryhrazili, što zaraz lubyja pavietranyja abjekty, uklučajučy samaloty i bieśpiłotnyja aparaty mižnarodnaj kaalicyi, vyjaŭlenyja na zachad ad raki Jeŭfrat, «buduć prymacca na supravadžeńnie» ŭ jakaści pavietranych celaŭ.
U minabarony taksama nazvali dziejańni ZŠA ŭ Siryi vajennaj ahresijaj.
Za dzień da hetaha ŭrad Siryi paviedamiŭ, što siły mižnarodnaj kaalicyi źbili vajenny samalot siryjskich vajenna-pavietranych sił. Paviedamlajecca, što incydent adbyŭsia niepadalok ad horada Es-Saura ŭ pravincyi Raka.
Damask zajaŭlaje, što samalot vykonvaŭ bajavoje zadańnie suprać ekstremisckaj hrupoŭki «Isłamskaja dziaržava». U siryjskaj zajavie havorycca, što heta budzie mieć niebiaśpiečnyja nastupstvy ŭ spravie baraćby z teraryzmam.
U svaju čarhu amierykanskija vajskoŭcy śćviardžajuć, što siryjski vajenny samalot skinuŭ bomby niepadalok ad atrada paŭstancaŭ, jakich padtrymlivaje Amieryka, paśla čaho i byŭ źbity samalotam VPS ZŠA.
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić4040
Kamientary