Niahledziačy ni na jaki cisk, biełaruska-rasijskija vučeńni «Zachad-2017» buduć praviedzieny maštabna i surjozna, zajaviŭ Alaksandr Łukašenka siońnia na sustrečy z kiraŭnikami abaronnych viedamstvaŭ dziaržaŭ — členaŭ ADKB.
«Vy vydatna viedajecie, što Biełaruś i ŭ ramkach Sajuznaj dziaržavy, i ŭ miežach ADKB adkaznaja za zachodni kirunak. Heta zona adkaznaści Biełarusi, i ŭsia naša armija skancentravanaja na heta razam z Rasijskaj Fiederacyjaj. U nas vybudavany dakładny płan dziejańniaŭ u roznych situacyjach», — źviarnuŭ uvahu kiraŭnik dziaržavy.
Uvosień na terytoryi Biełarusi projduć biełaruska-rasijskija vučeńni «Zachad-2017». «I jak by nas nie cisnuli, my praviadziom hetyja vučeńni i nakiravany na toje, kab jany prajšli maštabna i vielmi surjozna, — zajaviŭ jon. — Viedaju, što i ŭ Rasii sapraŭdy taki ž nastroj. My nikoha nie pałochajem. Nam čužoha nie treba. Tamu my budziem adpracoŭvać usio toje, što adpracoŭvajuć našy patencyjnyja supierniki. My navučajem vojska i budziem jaho navučać abaraniać našu terytoryju, našu dziaržavu, našy narody».
Kiraŭnik dziaržavy zajaviŭ ab adkrytaści hetych vučeńniaŭ: «My zaprosim na vučeńni ŭsich siońnia prysutnych ministraŭ abarony, i nie tolki. Hetyja vučeńni adkrytyja. Niachaj hladziać na našy mahčymaści. My vielmi surjozna naceleny na toje, kab na terytoryi Biełarusi vučeńni prajšli vielmi efiektyŭna, i budziem staracca nadać hetym vučeńniaŭ i maštabny, i raznapłanavy charaktar, kab našy vajskoŭcy — i Rasii, i Biełarusi - adčuvali, što jany abaraniajuć na hetym kirunku i jakija abaviazacielstvy na ich uskładzienyja».
Ciapier čytajuć
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary