Biełaruś prapanavała kitajcam kupić miasa- i małakazavody ŭ Minsku, Oršy, Barysavie

Biełaruś i Kitaj prykmietna prasunulisia ŭ pieramovach ab maštabnym ahraprajekcie. Pra heta paviedamili žurnalistam prezident karparacyi DRex Daj Šyviej i prezident Xinrongji Holding Group Nian Jonhan. Jak zajaviŭ ministr sielskaj haspadarki Leanid Zajac, terminy ŭsich krokaŭ vielmi ścisnutyja — hety hod, i ich treba vykanać.

Pavialičyć

Fota: TUT.BY

«U Kitai jość vialiki rynak, u vas — charčavańnie. Biełaruski ŭrad pracuje vielmi chutka i vielmi efiektyŭna, i heta prymušaje nas paskaracca. Dumaju, terminy my vytrymajem», — adznačyŭ prezident karparacyi DRex Daj Šyviej.

Kitaj abaviazaŭsia da 1 vieraśnia zarehistravać sumiesnaje pradpryjemstva pa eksparcie biełaruskich sielhastavaraŭ u abjomie nie mienš za 10 młn dalaraŭ u miesiac.

Suzasnavalnikam vystupić biełaruski bok, i ŭ pierśpiektyvie sumiesnaja kampanija atrymaje paŭnamoctvy pa inviestavańni ŭ vyhladzie kupli dolaŭ u statutnych kapitałach pierapracoŭčych sielhaspradpryjemstvaŭ.

Kitaj taksama infarmavaŭ biełarusaŭ ab namiery kupić dolu ŭ banku «Maskva-Minsk» i stvaryć u «Vialikim kamieni» pradpryjemstva pa vypusku novaha vidu ŭpakoŭki na asnovie poliłaktydu, jaki pavinien zamianić płastykavuju i polietylenavuju ŭpakoŭku (termin da 1 kastryčnika).

Kitaj vykazaŭ hatoŭnaść da kanca hoda ŭziać u arendu 20 tys. ha ziamli pad budaŭnictva małočna-tavarnych fierm na 40 tys. hałoŭ. Kiraŭnik Minsielhascharča Leanid Zajac udakładniŭ, što havorka idzie pra ŭschod Mahiloŭskaj vobłaści, Klimavicki rajon, kab atrymać dadatkovyja abjomy syraviny.

Biełaruś prapanavała kitajskamu boku ŭ jakaści abjekta dla inviestycyj Aršanski miasakansiervavy kambinat, «Małočny haściniec» i «Zdravuška miłk». Jak było zajaŭlena, Kitaj hatovy razhledzieć kuplu dolaŭ u hetych pradpryjemstvach.

Jak paviedamlaŭ prezident karparacyi DRex Daj Šyviej, asnoŭnaja śfiera intaresaŭ karparacyi — invieściravańnie srodkaŭ u vytvorčaść małočnaj pradukcyi, kitajcy raźličvajuć stvaryć u Biełarusi bujnoje pradpryjemstva.

Suma zapłanavanych inviestycyj — 1 miljard dalaraŭ, a ŭmovy i kirunki buduć abmiarkoŭvacca. Miarkujecca, što mahčymy varyjant jak hłybokaj madernizacyi adnaho ź isnujučych pradpryjemstvaŭ, tak i budaŭnictva novaha.

Jak raniej paviedamlałasia, Minsielhascharč Biełarusi ŭ traŭni padpisaŭ pratakoł ab namierach z kitajskaj karparacyjaj DRex ab pramych inviestycyjach u sielskahaspadarčy siektar Biełarusi na sumu 1 miljard dalaraŭ.

Karparacyja maje namier inviestavać u raźvićcio małočnaha siektara našaj krainy, a ŭ pryvatnaści, u budaŭnictva małočna-tavarnych kompleksaŭ i madernizacyju pierapracoŭčych pradpryjemstvaŭ.

U pieršym kvartale biahučaha hoda Biełarusi ŭdałosia naraścić ekspart sielhaspradukcyi ŭ Kitaj u 1,5 raza i vyjści na sumu 4,2 miljona dalaraŭ. Padpisanyja ŭ traŭni kantrakty dazvolać naraścić abjom ekspartu ŭ Padniabiesnuju da 15 miljonaŭ dalaraŭ da kanca biahučaha hoda, raźličvajuć u ministerstvie.

• 0
• 0
• 0
• 0
• 0
• 0
• 0
• 0