Uznaharoda budzie ŭručanaja pierakładčykam za najlepšuju mastackuju knihu, pierakładzienuju na biełaruskuju movu i vydadzienuju ŭ papiarovym abo elektronnym varyjancie ciaham 2016 h. Pieramožca atrymaje ad Dabračynnaha fondu «Viartańnie» ček na sumu, ekvivalentnuju 2000 u.a.
Padać zajaŭku možna da 30 červienia.
Zajaŭka pavinna ŭtrymlivać nastupnyja źviestki:
a) infarmacyja pra naminatara, što vyłučaje tvor na Premiju: kantaktnyja numary telefonaŭ i adrasy
b) nazvu knihi, vydaviectva, miesca i hod vydańnia
v) imia (imiony) pierakładčyka (pierakładčykaŭ) i pa mahčymaści ich kantaktnyja dadzienyja
Pravam naminavańnia na Premiju vałodajuć vydaŭcy, tvorčyja abjadnańni, arhkamitet Premii, siabry žury i sami pierakładčyki. Na ich lažyć abaviazak pradstavić da 30 červienia na razhlad žury premii elektronnyja viersii i (kali datyčyć) dva papiarovyja asobniki naminavanych knih. Papiarovyja asobniki prymajucca pa adrasie Sajuza biełaruskich piśmieńnikaŭ (220012, Minsk, vuł. Kuźmy Čornaha, 31-906), elektronnyja varyjanty — na adras: [email protected].
Premija za najlepšuju pierakładnuju knihu zasnavanaja ŭ 2016 h. u honar vydatnaha biełaruskaha litaraturnaha pierakładčyka Karłasa Šermana (1934 — 2005) i nosić jaho imia. Suzasnavalnikami premii źjaŭlajucca HA «Sajuz biełaruskich piśmieńnikaŭ», Biełaruski PEN-centr i Mižnarodny dabračynny fond «Viartańnie».
Pieršym pieramožcam premii staŭ pierakładčyk finskaha epasu «Kalevała» Jakub Łapatka.
Skład žury premii budzie abvieščany paźniej.
Sačyć za abnaŭleńniami možna, padpisaŭšysia na staronku premii ŭ Fejsbuku.
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary