Moŭnaja katastrofa: za 10 hadoŭ kolkaść biełaruskamoŭnych školnikaŭ skaraciłasia ŭdvaja
U hetym navučalnym hodzie 128 600 biełaruskim dzieciam pradmiety vykładalisia pa-biełarusku. 13,3% ad ahulnaj kolkaści školnikaŭ — najnižejšaja ličba za ŭsie hady.
Heta śviežyja dadzienyja Biełstata, apublikavanyja ŭ adpaviednym statystyčnym daviedniku.
Pahladzicie, jak hod za hodam rusifikacyja paŭzie pa sistemie adukacyi. Za apošnija 10 hadoŭ kolkaść biełaruskamoŭnych vučniaŭ źmienšyłasia sa 246 da 129 tysiač čałaviek.
Kolkaść školnikaŭ pa movie navučańnia ŭ 2016/2017.
- Ruskaja mova — 838 400 vučniaŭ (86,6%)
- Biełaruskaja mova — 128 600 vučniaŭ (13,3%)
- Polskaja i litoŭskaja mova — 900 vučniaŭ (0,1%)
Kolkaść školnikaŭ pa movie navučańnia ŭ 2011/2012.
- Ruskaja mova — 752 300 vučniaŭ (82,1%)
- Biełaruskaja mova — 163 400 vučniaŭ (17,8%)
- Polskaja i litoŭskaja mova — 800 vučniaŭ (0,1%)
Kolkaść školnikaŭ pa movie navučańnia ŭ 2006/2007.
- Ruskaja mova — 898 600 vučniaŭ (78,5%)
- Biełaruskaja mova — 245 900 vučniaŭ (21,5%)
- Polskaja i litoŭskaja mova — 700 vučniaŭ (mienš za 0,05%).
Kali hladzieć na situacyju pa rehijonach, to ŭ Minsku jana vyhladaje katastrafičnaj — pa-biełarusku navučajecca 1,8% dziaciej.
Stanoŭčaja tendencyja zafiksavanaja tolki na Viciebščynie (za hod kolkaść biełaruskamoŭnych vučniaŭ vyrasła z 11,3% da 11,6%) i Homielščynie (z 12,1% da 12,4%). Heta pieršyja vypadki takoha kštałtu pačynajučy ad 2010 hoda.
Pry kancy savieckaha času, u 1988 hodzie dola biełaruskamoŭnych školnikaŭ składała 22%. Heta byŭ vynik savieckaj rusifikacyi, jakaja viałasia pačynajučy z 1960-ch, kali na ruskuju movu stali masava pieravodzić haradskija škoły. Nacyjanalnaje adradžeńnie pačatku 1990-ch dało rezki rost doli biełaruskamoŭnych školnikaŭ, ale Alaksandr Łukašenka znoŭ pačaŭ pieravodzić adukacyju na ruskuju movu. Pry im byli zhornutyja ŭsie biełaruskamoŭnyja płyni VNU, nie zastałosia nivodnaha biełaruskamoŭnaha ministra ci hienierała. U vyniku za pieryjad z 1995 da 2006 hoda dola biełaruskamoŭnych školnikaŭ viarnułasia na ŭzrovień kanca 1980-ch, a za nastupnyja 10 hadoŭ skaraciłasia jašče ŭdvaja.
-
Taksistam zahadali terminova źniać usiu rekłamu kazino i bukmiekieraŭ z bartoŭ mašyn
-
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»
-
Cichanoŭskaja pakazała, jak trenirujecca ŭ trenažorcy VIDEA
Ciapier čytajuć
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary