Supracoŭniki Dziaržaŭtainśpiekcyi Pinskaha HAUS raskryli sieryju aŭtamabilnych kradziažoŭ, paviedamiŭ BIEŁTA aficyjny pradstaŭnik UUS Bresckaha abłvykankama padpałkoŭnik milicyi Siarhiej Dučenka.
Padčas dziažurstva na vulicy Parkavaj inśpiektary źviarnuli ŭvahu na aŭtamabil «Mersedes», za rulom jakoha znachodziŭsia zanadta małady kiroŭca. Pravaachoŭniki padali jamu znak ab spynieńni, adnak junak patrabavańnie praihnaravaŭ i pasprabavaŭ uciačy. Padčas pieraśledu kiroŭca i pasažyry kinuli inšamarku, ale byli apieratyŭna zatrymanyja. Imi akazalisia troje niepaŭnaletnich žycharoŭ Pinska.
U chodzie ahladu transpartnaha srodku vyjaŭlenyja akumulatarnyja batarei, karta pamiaci, aŭtamahnitoła i inšyja rečy, jakija raniej byli vykradzienyja z aŭtamabilaŭ pinčukoŭ. Pravierka pakazała, što za hetymi maładymi ludźmi ličyłasia cełaja sieryja kradziažoŭ.
Kamientary