Usie zabrakavanyja Raszdaroŭnahladam biełaruskija leki vyviedzienyja z abarotu. Pra heta piša RBK sa spasyłkaj Ministerstva achovy zdaroŭja Rasii.
Raniej Śledčy kamitet Rasii pačaŭ pravierku ŭ suviazi ź infarmacyjaj pra toje, što ŭ troch špitalach Kalininhrada, Mardovii i Vałahodskaj vobłaści byli znojdzienyja biełaruskija preparaty «dla injekcyj ź bitym škłom i miechaničnymi čaścicami ŭnutry».
U pres-słužbie Ministerstva achovy zdaroŭja Rasii zajavili, što ŭsiaho z 2016 hoda Raszdaroŭnahlad zabrakavaŭ i kanfiskavaŭ dźvie sieryi dvuch handlovych najmieńniaŭ lekaŭ kampanii RUP «Biełmiedpreparaty» i 14 sieryj siami handlovych najmieńniaŭ lekavych preparataŭ vytvorčaści AAT «Barysaŭski zavod miedycynskich preparataŭ». Tak, u ampule adnaho ź biełaruskich lekaŭ u tym liku było vyjaŭlena škło.
«Jakoj-niebudź infarmacyi pra ŭviadzieńnie dadzienych preparataŭ i ŭskładnieńniach, što ŭ suviazi z hetym uźnikli ŭ pacyjentaŭ, u ministerstva nie pastupała», — havorycca ŭ paviedamleńni.
Akramia taho, u pres-słužbie ŭdakładnili, što ŭ aŭtamatyzavanuju sistemu Raszdaroŭnahladu nie pastupała paviedamleńniaŭ ad miedrabotnikaŭ i pacyjentaŭ ab pabočnych dziejańniach i inšych niepažadanych reakcyjach, źviazanych z «vyjaŭleńniem u ampułach dadzienych preparataŭ askiepkaŭ škła ci inšych miechaničnych uklučeńniaŭ».
Rasijanie abvinavacili Biełaruś u pastaŭkach lekaŭ z kavałkami škła
Ciapier čytajuć
Čamu YouTube vydaliŭ kanały BiełTA, STB i ANT? Voś što viadoma11
Kamientary