Dyrektar adnaho z pradpryjemstvaŭ, jakoje absłuhoŭvaje sielskahaspadarčyja arhanizacyi Minskaj vobłaści, i jaho namieśnik pa ekanomicy pryčynili škodu «Biełaruśkaliju» na sumu bolš za 850 tysiač rubloŭ.
Z 2010 pa 2012 hod jany zakupali kalijnyja ŭhnajeńni, jakija paśla byli nibyta realizavanyja nasielnictvu.
«Ale adlustravanyja ŭ adpaviednych zajavach fizičnyja asoby pry praviercy akazalisia vydumanymi. Mahazin pradpryjemstva, u jakim nibyta byli pradadzienyja ŭhnajeńni, nasamreč apynuŭsia praduktovaj kramaj i chłorysty kalij u jaho traplaŭ tolki na papiery. Nasamreč uhnajeńni vyvozilisia napramuju z bazy minieralnych uhnajeńniaŭ u Smalenskuju, Varoniežskuju, Arłoŭskuju i Kurskuju vobłaści Rasijskaj Fiederacyi», - paviedamlajuć śledčyja.
Afarmleńnie padłožnych tavarasupravadžalnych dakumientaŭ na vyvaz kalijnych uhnajeńniaŭ za miežy respubliki arhanizavaŭ rodny brat dyrektara - kiraŭnik pryvatnaha pradpryjemstva.
Atrymanaja ŭ AAT «Biełaruśkalij» adna tona kalijnych uhnajeńniaŭ pa lhotnaj canie dla sielhasvytvorcaŭ faktyčna realizoŭvałasia subjektam haspadarańnia Rasijskaj Fiederacyi ŭ niekalki razoŭ daražej. Roźnica ad prodažu asieła ŭ kišeniach abvinavačanych asob, jakija nabyli darahija aŭtamabili i nieruchomaść u Minsku.
U chodzie rasśledavańnia byli ŭstalavanyja taksama inšyja fakty supraćpraŭnaj dziejnaści.
Naprykład, dyrektar pradpryjemstva, jaki absłuhoŭvaje sielskahaspadarčyja arhanizacyi, nabyŭ nibyta dla patreb arhanizacyi aŭtamabil «Tajota Łend Kruzier Prada». Pry praviercy vyśvietliłasia, što faktyčnym uładalnikam dadzienaha aŭtamabila źjaŭlaŭsia sam ža dyrektar, a padparadkavanaje jamu pradpryjemstva nabyło nazvany transpartny srodak pa košcie, zavyšanym praktyčna na 20 000 dalaraŭ.
Taksama dyrektar nibyta pradaŭ inšy usiedarožnik — «Tajota Siekvoja» — svajmu ž kiroŭcu, ale faktyčna mašyna była pradadziena inšaj asobie. Sam dyrektar «zarabiŭ» takim čynam bolš za 8 000 dalaraŭ.
Akramia taho toj ža kiraŭnik pradpryjemstva prypisvaŭ kiłamietraž u słužbovym aŭto. U vyniku było vykradziena bolš za 5 000 litraŭ bienzinu AI-92, jakim abvinavačvany dyrektar zapraŭlaŭ aŭtamabili svaich blizkich svajakoŭ.
A kali dyrektar parušaŭ chutkasny režym na słužbovym aŭto, to nakiroŭvaŭ u MUS zahadzia iłžyvuju infarmacyju, u adpaviednaści ź jakoj administracyjnyja pravaparušeńni nibyta ździajśniali jaho padnačalenyja.
Nie zabyvaŭsia jon i pra svajakoŭ. Tak, naprykład, dla zabieśpiačeńnia plamieńnicy svajoj žonki miescam u staličnym internacie na pieryjad jaje navučańnia dyrektar stvaryŭ u stalicy «virtualny» adździeł markietynhu, u jaki zaličyŭ svajačku. Na spravie žančyna nikoli nie znachodziłasia ŭ pracoŭnych adnosinach z uznačalenym im pradpryjemstvam. Pry hetym hrašovyja srodki za pražyvańnie ŭ internacie plamieńnicy žonki dyrektara na praciahu 4 hadoŭ śpisvalisia z raźlikovaha rachunku pradpryjemstva.
Ahułam pa spravie prachodziać niekalki čałaviek: toj samy dyrektar pradpryjemstva, jaki absłuhoŭvaje sielskahaspadarčyja arhanizacyi Minskaj vobłaści, jaho namieśnik, a taksama kiraŭnik, buchhałtar i mieniedžar pryvatnaha pradpryjemstva.
Usim im vystaŭlenyja abvinavačvańni pa šerahu artykułaŭ, siarod jakich pieravyšeńnie słužbovych paŭnamoctvaŭ, lehalizacyja srodkaŭ, atrymanych złačynnym šlacham, niezakonnaja pradprymalnickaja dziejnaść i inš.
Kryminalnaja sprava pieradadziena ŭ Hienieralnuju prakuraturu Respubliki Biełaruś dla nakiravańnia ŭ sud.
Ciapier čytajuć
Ci mahčymy druhi Čarnobyl? I što ciapier robiać ludzi na toj AES? Navukoŭka adkazvaje na važnyja pytańni4
Ci mahčymy druhi Čarnobyl? I što ciapier robiać ludzi na toj AES? Navukoŭka adkazvaje na važnyja pytańni
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2323
Kamientary