Vierniki žyvym ščytom abaranili carkvu «Novaje žyćcio» ad sudovych vykanaŭcaŭ FOTA
Sudovyja vykanaŭcy sprabujuć patrapić u budynak pratestanckaj carkvy «Novaje žyćcio». Pavodle atrymanych papieraŭ, vierniki musili vyzvalić pamiaškańnie da 26 krasavika.
Dziasiatki čałaviek stali žyvym ščytom pierad dźviaryma, nie puskajučy sudovych vykanaŭcaŭ.
«Byli sudovyja vykanaŭcy, ale zaraz syšli ŭžo. Dziakuj Bohu! Milicyja taksama pryjazdžała, ale sabralisia našy braty — kala 100 čałaviek — i milicyja nie palezła. Źjechali. Vykanaŭcy taksama źjechali, ale skazali, što sprava budzie praciahvacca, bo jany pavinny vykanać rašeńnie sudu ad 2009 hoda — nijak nie mohuć vykanać. Pa hetym rašeńni my pavinny pakinuć naš budynak, ale my nikudy nie źbirajemsia sychodzić. Vykanaŭcy prapanavali nam vyrašać hetaje pytańnie z uładami. My imkniemsia heta rabić, ale ž ułady niešta nie iduć pakul na kantakt», — adznačyŭ juryst pratestanckaj supolnaści Siarhiej Łukanin u kamientary Krynica.info.
Pryčyny, čamu ŭłady znoŭ sprabavali vysielić carkvu mienavita zaraz, Siarhiej Łukanin nie viedaje. «Pieryjadyčna niedzie raz na hod jany nas turbujuć takimi pytańniami, ale ž hoda paŭtara nie było ich čuvać. Čamu — nie viedajem», — paviedamiŭ juryst.
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz5858
Kamientary