Kamandujučy amerykanskim kantynhientam u Aŭhanistanie ŭskosna paćvierdziŭ paviedamleńni ab tym, što Rasieja niezakonna zabiaśpiečvaje talibaŭ zbrojaj.
U paniadziełak padčas pres-kanferencyi ŭ Kabule ŭ adkaz na pytańnie ab dakładnaści infarmacyi ab pastaŭkach rasiejskaj zbroi talibam hienerał Džon Nikałsan zajaviŭ: «My praciahvajem atrymlivać paviedamleńni ab takoj dapamozie».
Pavodle ananimnych krynic hazety The Washington Post u Pentahonie, za apošnija paŭtara hodu Maskva pavialičyła pastaŭki talibam vajennaha abstalavańnia i zbroi, u tym liku ciažkich kulamiotaŭ, na padstavie taho, što hetaja zbroja budzie vykarystana talibami suprać terarystyčnaj hrupoŭki «Isłamskaja dziaržava». Adnak jana ŭžyvajecca talibami na poŭdni krainy ŭ pravincyjach Hielmand i Kandahar, jakija nie źjaŭlajucca zonaj dziejańniaŭ «Isłamskaj dziaržavy».
Ministar abarony ZŠA Džym Metys, vystupajučy na pres-bryfinhu razam z hienerałam Nikałsanam, padkreśliŭ, što «pastaŭki luboj zbroi ŭ Aŭhanistan zamiežnaj dziaržavaj źjaŭlajucca parušeńniem mižnarodnych zakonaŭ, kali tolki hetaja zbroja nie pastupaje ŭradu Aŭhanistanu».
Metys naviedaŭ Aŭhanistan praz dva dni paśla napadu talibaŭ na bazu aŭhanskaj armii ŭ Mazary-Šaryf, u vyniku jakoj zahinuła bolš za 140 aŭhanskich vajskoŭcaŭ. Ministar abarony ZŠA moža źviarnucca da prezydenta krainy Donalda Trampa z zapytam pavialičyć amerykanski vajskovy kantynhient u krainie. Ciapier jon naličvaje 8400 vajskoŭcaŭ.
Ciapier čytajuć
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć50
Kamientary