Hurt N.R.M. dałučyŭsia da dabračynnaj akcyi, nakiravanaj na zbor srodkaŭ na aperacyju pa pierasadcy serca dla Michasia Łaryna. Na siońnia z patrebnych dla aperacyi 350 tysiač eŭra dobryja ludzi achviaravali pakul dziasiatuju častku hrošaj.
Hurt N.R.M. dałučyŭsia da dabračynnaj akcyi, nakiravanaj na zbor srodkaŭ na aperacyju pa pierasadcy serca dla Michasia Łaryna. Na siońnia z patrebnych dla aperacyi 350 tysiač eŭra dobryja ludzi achviaravali pakul dziasiatuju častku hrošaj.
Raniej da akcyi dałučylisia hurty «J:MORS», «Krambambula» ŭ duecie z Rusiaj, etna-tryjo «Trojca», «Tiani-tołkaj», Alaksiej Chlastoŭ.
N.R.M. vykłaŭ u Siecivie dla volnaha pampavańnia rarytetnuju pieśniu «13». Pieśnia maje cikavuju historyju, jakaja pačałasia bolš za 10 hod tamu. «Michał Aniempadystaŭ prapanavaŭ paśla «Narodnaha albomu» zrabić albom marskich piesień i daŭ mnie pasłuchać niejkich kielckich śpievaŭ, — raspaviadaje Lavon Volski. — Pad ich upłyvam ja napisaŭ hetkuju pieśniu-stylizacyju. «Marski prajekt» tak i nie adbyŭsia, a pieśnia na studyjnyja albomy N.R.M. nie patrapiła. My jaje vykanali na akustycy 10 hadoŭ tamu i znoŭ pryhadali jaje tolki na akustycy ŭ hetym traŭni. Adtul i zapis».
Udzielniki hurtu spadziajucca, što ich pieśnia dapamoža sabrać hrošy dla Mišy Łaryna. «Mýzyka — heta vialikaja siła, jakaja pavinna dapamahać rabić naš śviet lepšym u hlabalnych i časam navat pryvatnych spravach hetkaha kštałtu, — ličyć hitaryst hurta Pit Paŭłaŭ. — My spadziajemsia, što ŭsio atrymajecca i zaklikajem usich chto moža, dapamahčy Mišu».
Dadatkovaja infarmacyja pra Michasia j akcyju dastupnaja na sajcie prajektu.
Jak pieraličyć hrošy
Pieraličyć hrošy Michasiu vielmi prosta — dastatkova zajści ŭ luboje adździaleńnie «Biełarusbanku» j mieć z saboj rekvizyty jahonaha rachunku. Kvitancyju zapaŭniać nia treba, pašpart nie patrebny.
Kašalki Webmoney. U dalarach ZŠA — Z622038393970, eŭra — E286206891870, rasiejskich rublach R695931672751, biełaruskich rublach — B411817094794.
Pavodle serca.tut.by
Kamientary