U Biełarusi płanujecca spraścić praceduru budaŭnictva indyvidualnaha žylla, paviedamiŭ siońnia žurnalistam namieśnik ministra architektury i budaŭnictva Dźmitryj Siemiankievič na vystaŭcy «Budekspa-2017», kamientujučy prapanovy, jakija nakiravany ŭ Administracyju prezidenta rabočaj hrupaj pa stymulavańni dziełavoj aktyŭnaści, vyklučeńni zališnich patrabavańniaŭ da subjektaŭ haspadarańnia, udaskanaleńni kantrolna-nahladnaj dziejnaści ŭ budaŭničaj śfiery, pieradaje BIEŁTA.
«My prapanavali spraścić praceduru pa budaŭnictvie fizičnymi asobami indyvidualnaha žylla. Tak, praduhledžvajecca, što ŭ isnujučym žyllovym fondzie prymać rašeńnie pa ŭsich pytańniach budzie hałoŭny architektar rajona: i pa raźmiaščeńni abjektaŭ, i pa pytańniach pažarnaj i sanitarnaj biaśpieki, i inšych. Novaje žyllovaje budaŭnictva budzie ažyćciaŭlacca pa horadabudaŭničych pašpartach. Čałaviek nie pavinien viedać usie patrabavańni žyllovaha kodeksa, budaŭničych standartaŭ. U jaho budzie horadabudaŭničy pašpart, u jakim buduć dakładna prapisany ŭsie jaho pravy i abaviazki», — adznačyŭ Dźmitryj Siemiankievič.
Pavodle jaho słoŭ, horadabudaŭničy pašpart budzie ŭručać vykankam na aŭkcyjonie abo prosta pry pradastaŭleńni ŭčastka.
«Takim čynam, my paźbiehniem vialikaj kolkaści pracedur, kali ludzi za budaŭnictvam naviesa vymušany prasiedžvać čerhi ŭ vykankamach, atrymlivajučy na jaho dazvoły», — rastłumačyŭ namieśnik ministra.
Ciapier čytajuć
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»1
Kamientary