Kaho mohuć vyzvalić ad vypłaty padatku na darmajedstva — Minpracy razasłała papraŭki ŭ dekret
Minpracy razasłała na ŭzhadnieńnie ŭ abłvykankamy, Minharvykankam i inšyja dziaržorhany prajekt źmianieńniaŭ u dekret ab darmajedstvie. List za podpisam Iryny Kaścievič nakiravali z pamietkaj «vielmi terminova!».
Žonak (mužoŭ) vajskoŭcaŭ i maładych śpiecyjalistaŭ mohuć vyzvalić ad padatku
Da darmajedaŭ prapanujuć nie adnosić žančyn, jakija naradzili abo znachodzilisia pad miedycynskim nahladam padčas ciažarnaści i rodaŭ, a taksama tych, chto ŭsynaviŭ dzicia da troch hadoŭ. Nie trapiać pad dekret vajskoŭcy, supracoŭniki vajenizavanych arhanizacyj, jakija majuć śpiecyjalnyja zvańni i prachodzili alternatyŭnuju słužbu.
Pavodle prajekta źmianieńniaŭ, darmajedami nie buduć ličycca i tyja, chto znachodziŭsia na psichanieŭrałahičnym dyspansiernym uliku, a taksama studenty dzionnaj formy navučańnia ŭ hod pastupleńnia i zakančeńnia navučalnaj ustanovy. Ale nie zmohuć paźbiehnuć vypłaty zboru tyja, chto prachodziŭ navučalnyja kursy (lektoryi, tematyčnyja sieminary, praktykumy, treninhi, aficerskija kursy) i prahramy ŭdaskanaleńnia mahčymaściaŭ i zdolnaściaŭ asoby.
Ad vypłaty zboru prapanujuć taksama vyzvalić «žonak (mužoŭ) vajskoŭcaŭ, jakija prachodziać vajskovuju słužbu pa kantrakcie, a taksama žonak (mužoŭ) maładych śpiecyjalistaŭ, što prystupili da pracy pa raźmierkavańni abo pa nakiravańni na pracu na čas ich sumiesnaha pražyvańnia ŭ miascovaści, dzie adsutničaje mahčymaść ich pracaŭładkavańnia».
Ad padatku zmohuć syści i tyja, chto vałodaje ziamielnym učastkam niezaležna ad jaho metavaha pryznačeńnia i miescaznachodžańnia.
Vyklučeńnie zrobiać tolki dla žycharoŭ abłasnych centraŭ i Minska.
Ciapier ad padatku vyzvalajucca tolki žychary viosak i haradskich pasiołkaŭ, jakija vałodajuć ziamielnymi ŭčastkami dla viadzieńnia asabistaj padsobnaj haspadarki.
«Ad vypłaty zboru za adpaviedny padatkovy pieryjad vyzvalajucca hramadzianie, jakija vyroščvali (vyrablali) pradukcyju raślinavodstva (za vyklučeńniem pradukcyi kvietkavodstva, dekaratyŭnych raślin, ich nasieńnia i rasady), vyrablali pradukcyju žyviołahadoŭli na raźmieščanym na terytoryi Biełarusi (za vyklučeńniem haradoŭ: Brest, Viciebsk, Homiel, Hrodna, Minsk, Mahiloŭ) ziamielnym učastku, pradastaŭlenym jamu (členam jaho siamji) dla budaŭnictva i (abo) absłuhoŭvańnia žyłoha doma, absłuhoŭvańnia zarehistravanaj arhanizacyjaj pa dziaržaŭnaj rehistracyi nieruchomaj majomaści, pravoŭ na jaje i ździełak ź joj kvatery ŭ błakiravanym žyłym domie, viadzieńnia asabistaj dapamožnaj haspadarki, aharodnictva, tradycyjnych narodnych promysłaŭ (ramiostvaŭ), kaśby i vypasu sielskahaspadarčych žyvioł, viadzieńnia sialanskaj (fiermierskaj) haspadarki, u vyhladzie słužbovaha nadzieła», - havorycca ŭ prajekcie źmianieńniaŭ u dekret.
Ad alternatyŭnaj słužby da dohladu invalida
Nie ličyć darmajedami taksama prapanujuć tych biełarusaŭ, jakija nie ŭdzielničali ŭ finansavańni dziaržraschodaŭ u kalandarnym hodzie, ale ŭ nastupnym hodzie, kali treba vypłačvać zbor, atrymali invalidnaść (niezaležna ad hrupy, pryčyny, daty i terminu invalidnaści ŭ hetym hodzie), byli pryznanyja niedziejazdolnymi, prachodzili vajennuju słužbu pa pryzyvu, alternatyŭnuju słužbu, byli pryniatyja na psichanieŭrałahičny dyspansierny ŭlik, vyjšli na piensiju, naradzili dzicia albo hladzieli dzicia-invalida da 18 hadoŭ, invalidaŭ pieršaj hrupy abo piensijanieraŭ, starejšych za 80 hadoŭ.
Vypłata padatku ŭ rasterminoŭku
Miascovyja saviety deputataŭ abo pa ich daručeńni miascovyja vykankamy pa-raniejšamu zmohuć vyzvalać ad vypłaty zboru tych, chto apynuŭsia ŭ ciažkaj žyćciovaj situacyi.
«Ustanoŭleny zakanadaŭstvam termin vypłaty zboru, pieniaŭ moža być źmienieny ŭ formie adterminoŭki z adnarazovaj vypłataj sum, rasterminoŭki z paetapnaj vypłataj sumy, adterminoŭki pa vypłacie zapazyčanaści pa zbory, pieniach z nastupnaj rasterminoŭkaj jaje pahašeńnia», - havorycca ŭ prajekcie źmianieńniaŭ.
Viarnuć vypłačany padatak za 2015 hod možna budzie tolki paśla 1 listapada
«Ad vypłaty zboru za 2015 hod vyzvalajucca hramadzianie, jakija pryznajucca płacielščykami zboru za hety hod», - adznačajecca ŭ prajekcie źmienaŭ. Pry hetym za 2016 hod prapanujuć vyzvalać tych, kaho pryznali płacielščykam zboru za hety hod, ale jakija vypłacili padatak za 2015 hod.
«Hramadzianie, vypłacili zbor za 2015 hod, majuć prava na viartańnie sum zapłačanaha zboru (pa ich zajavie) pry ŭmovie, kali jany nie pryznajucca płacielščykami zboru za 2016 hod. Takoje viartańnie ažyćciaŭlajecca padatkovymi orhanami ŭ paradku, ustanoŭlenym zakanadaŭstvam, paśla 1 listapada 2017 hoda.
Padatak pojdzie na padtrymku dziaciej
Sabrany padatak nakirujuć «na finansavańnie mierapryjemstvaŭ, źviazanych z padtrymkaj (sacyjalnaj abaronaj) dziaciej».
Składać śpisy tych, chto nie ŭdzielničaŭ u finansavańni dziaržvydatkaŭ ci braŭ udzieł častkova, budzie farmavać MPZ i pieradavać dadzienyja ŭ abłvykankamy i Minharvykankam.
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz5757
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz57
Ci patrebnaja biełaruskaja mova tym, chto razmaŭlaje pa-rusku? Azaronak zadaŭsia takim pytańniem na STB, a vypusknik Akademii MUS prapanavaŭ zamianić uroki fakultatyvami4949
Kamientary