Alina Tałaj pryniesła Biełarusi druhi miedal na ČIE-2017 pa lohkaj atletycy ŭ pamiaškańni FOTA
Biełaruska Alina Tałaj 3 sakavika zavajavała srebra ŭ biehu na 60 m z barjerami na čempijanacie Jeŭropy pa lohkaj atletycy ŭ pamiaškańni, jaki prachodzić u Białhradzie.
U finale sudździ dvojčy spyniali vyrašalny zabieh praz falstarty, a na treci raz arbitry padniali z kałodak spartsmienak, jakija pryhatavalisia, jašče da strełu startavaha pistaleta.
Z čaćviortaj sproby zabieh ŭsio ž adbyŭsia.
Alina Tałaj lidziravała, ale paśla zaklučnaha barjera jaje abyšła niemka Sindzi Roleder (7,88 s). Alina Tałaj zaniała 2-je miesca (7,92 s). Bronza ŭ jašče adnoj pradstaŭnicy Hiermanii Pameły Dutkievič (7,95 s).
Adznačym, što ŭ paŭfinale Alina Tałaj pakazała lepšy siarod usich udzielnic vynik (7,86 s).
«Ja dumaju, što dla ŭsich była situacyja niaprostaja, kali nas padymali dva razy, prytym što falstartu nie było. Ja liču, što na spabornictvach takoha ŭzroŭniu padobnyja situacyi niedapuščalnyja. Pakul Sindzi Roleder zastajecca ledź-ledź macniej mianie, ale ja nad hetym pracuju!» — cytuje Alinu Tałaj aficyjny sajt BFŁA.
Uznaharoda Aliny Tałaj — druhaja dla zbornaj Biełarusi ŭ startavy dzień čempijanatu Jeŭropy. Raniej bronzu zavajavała šturchalnica jadra Julija Leanciuk.
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie28
Kamientary