Аліна Талай прынесла Беларусі другі медаль на ЧЕ-2017 па лёгкай атлетыцы ў памяшканні ФОТА
Беларуска Аліна Талай 3 сакавіка заваявала срэбра ў бегу на 60 м з бар'ерамі на чэмпіянаце Еўропы па лёгкай атлетыцы ў памяшканні, які праходзіць у Бялградзе.
У фінале суддзі двойчы спынялі вырашальны забег праз фальстарты, а на трэці раз арбітры паднялі з калодак спартсменак, якія прыгатаваліся, яшчэ да стрэлу стартавага пісталета.
З чацвёртай спробы забег ўсё ж адбыўся.
Аліна Талай лідзіравала, але пасля заключнага бар'ера яе абышла немка Сіндзі Роледэр (7,88 с). Аліна Талай заняла 2-е месца (7,92 с). Бронза ў яшчэ адной прадстаўніцы Германіі Памэлы Дуткевіч (7,95 с).
Адзначым, што ў паўфінале Аліна Талай паказала лепшы сярод усіх удзельніц вынік (7,86 с).
«Я думаю, што для ўсіх была сітуацыя няпростая, калі нас падымалі два разы, прытым што фальстарту не было. Я лічу, што на спаборніцтвах такога ўзроўню падобныя сітуацыі недапушчальныя. Пакуль Сіндзі Роледэр застаецца ледзь-ледзь мацней мяне, але я над гэтым працую!» — цытуе Аліну Талай афіцыйны сайт БФЛА.
Узнагарода Аліны Талай — другая для зборнай Беларусі ў стартавы дзень чэмпіянату Еўропы. Раней бронзу заваявала штурхальніца ядра Юлія Леанцюк.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары