Śviatłana Aleksijevič padtrymała abaroncaŭ Kurapat: «Maŭčać soramna»
Łaŭreat Nobieleŭskaj premii pa litaratury 2015 hoda Śviatłana Aleksijevič prakamientavała dla «Našaj Nivy» supraćstajańnie ŭ Kurapatach, jakoje praciahvajecca ŭžo druhi tydzień.
«Ułady ŭsio bolš hublajuć davier ludziej. Zdradzić Kurapatam dla nas, biełarusaŭ, heta jak zhubić historyju, svajo minułaje. Hetaha nielha dapuścić. Ja vielmi radaja, što ŭ Kurapatach stolki maładych ludziej. My znajšli novaje palityčnaje pakaleńnie, narešcie jano zahavaryła.
Ja ŭjaŭlaju pazicyju ŭłady, jana pabudavanaja na kulcie siły. Sastupić narodu im zusim nie chočacca, bo heta budzie ŭsprymacca jak prajava słabaści. Stała absalutna vidavočna, što ŭłada i narod raźjadnanyja, heta nie adno i toje ž.
Mnie zdajecca, što, jak i ŭ vypadku z «dekretam ab darmajedach», ułady sprabujuć naščupać niejkija šlachi adychodu. Moža być, navat ułada nie adzinaje. Voś heta nas moža abradavać, što tam źjaŭlajucca niejkija razumnyja ludzi. Praŭda, pakul jany niesvabodnyja, jany pad ciskam.
U asobie Daškieviča ja baču abličča novaha palityčnaha pakaleńnia. Jon z tych ludziej, chto budzie vyznačać našuju budučyniu. Niesumnienna. Daškievič, Sieviaryniec… Jak sumna ni było ludziam majho pakaleńnia, ale paviestku dnia buduć vyznačać maładyja. U ich inšyja mietady supraćstajańnia, jany ŭličyli našy pamyłki.
Niapravilna stavić pytańnie, ci atrymajecca ŭ «ich» adstajać Kurapaty. Treba kazać, ci atrymajecca ŭ «nas». Kali b takoje było ŭ Varšavie, to ŭsia Varšava była b u Kurapatach, kali b u Vilni — to ŭsia Vilnia była b u Kurapatach. Ludziej, kaniečnie, bolš, čym raniej, ale heta moładź. Chaciełasia b, kab pračnułasia hramadstva. Heta takaja śfiera, dzie soramna maŭčać.
Ja była vielmi radaja, kali bačyła fotazdymki z akcyj pratestu suprać dekretu №3. Było pryjemna, što akcyi vykidvajuć navierch novyja asoby, tvary. Heta było radasna. Uładzie nie chapaje rozumu, što nielha stavić siabie papiarok času, hramadstva. Naša ŭłada nie adpaviadaje vyklikam času. A voś hramadstva saśpiavaje dla hetaha».
Ciapier čytajuć
Stali viadomyja padrabiaznaści pra trahiedyju ŭ Połackim manastyry9
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary