Pačynajučy z 14 lutaha častata zhadak Donalda Trampa ŭ efiry troch rasijskich fiederalnych kanałaŭ źniziłasia ŭ razy, pakazała daśledavańnie «Miediałohii». Heta ŭzhadniajecca z novaj ustanoŭkaj z Kramla: nie nadavać unutryamierykanskamu paradku dnia bolšaje značeńnie, čym rasijskamu.
U apošni tydzień fiederalnyja kanały rezka skaracili ŭ svaim efiry zhadvańnie prezidenta ZŠA Donalda Trampa. Heta vynikaje z daśledavańnia, jakoje kampanija «Miediałohija» praviała pa prośbie «Doždia». Jana vyvučała efiry Pieršaha kanała, Rasii-1 i NTV u pieryjad z 1 pa 20 lutaha.
Častata zhadak Trampa rezka źniziłasia ŭ aŭtorak, 14 lutaha. Pačynajučy z hetaha dnia amierykanskaha lidara zhadvali ad šaści razoŭ (sierada) da 12 razoŭ (piatnica). Dla paraŭnańnia: u pieršy tydzień miesiaca Trampa zhadvali ad 23 razaŭ (7 lutaha) da 61 razu (2 lutaha). U druhi tydzień miesiaca try fiederalnyja kanały taksama zhadvali prezidenta ZŠA da 36 raz u dzień.
U čaćvier, 16 lutaha, Bloomberg, spasyłajučysia na infarmavanyja krynicy, paviedamlaŭ, što Kreml daŭ ukazańnie dziaržaŭnym ŚMI pierastać chvalić Trampa. Vysokapastaŭlenaja krynica «Doždia» ŭ Kramli śćviardžaje, što na samaj spravie ŭ prezidenckaj administracyi zaniepakojenyja nie pazityŭnym zhadvańniem Trampa, a kolkaściu navin ab prezidencie ZŠA. «Atrymlivałasia haniebnaja dla Rasii situacyja — u kožnym navinavym siužecie pra ZŠA havaryli bolš, čym pra Rasiju. Jak byccam ich naviny ŭpłyvajuć na toje, što adbyvajecca ŭ nas. Hetaha nie pavinna być», — kaža surazmoŭca «Doždia».
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty39
Kamientary