Najbolš važnaj fatahrafijaj, zroblenaj kimści z fotareparcioraŭ usiaho śvietu ŭ 2016 h., žury konkursu World Press Photo pryznała zdymak tureckaha fatohrafa Burchana Aźbilidžy, na jakim pakazany zabojca pasła Rasii ŭ Turcyi Andreja Karłava. U paviedamleńni arhkamiteta konkursu adznačajecca taksama, što zdymak Aźbilidžy taksama pryznany najlepšym u katehoryi «Ekstrannyja naviny».
Člen žury World Press Photo Mary Kałviert patłumačyła, što pryznać pieramožcam fota, na jakim zabojca rasijskaha pasła Mieŭlut Miert Ałtyntaš niešta vykrykvaje, stojačy nad ciełam achviary, było vielmi składana. Adnak, u rešcie rešt, žury vyrašyła, što mienavita hetaja fatahrafija ŭ poŭnaj miery adlustroŭvaje nianaviść, jakaja achapiła śviet, piša rbc.ru
«Kožny raz, kali jana źjaŭlajecca na ekranie, tabie chočacca adsunucca, heta vybuchovy vobraz i my sapraŭdy adčuli, što jon utrymlivaje ŭ sabie toje, što možna nazvać žurnalisckaj fatahrafijaj hoda», — patłumačyła Kałviert.
Padobnaje tłumačeńnie vybaru žury daŭ i inšy člen žury World Press Photo Žoaa Siłva, pa słovach jakoha na zdymku možna ŭbačyć «tvar nianaviści».
Pasoł Rasii ŭ Turcyi Andrej Karłaŭ byŭ zabity 19 śniežnia 2016 hoda na adkryćci ŭ Ankary vystavy «Rasija vačyma turak». Prezident Rasii Uładzimir Pucin prysvoiŭ Karłavu zvańnie Hieroja Rasii paśmiarotna.
Ciapier čytajuć
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja5
Kamientary