Pryčynaj vybuchu, što prahrymieŭ na budplacoŭcy treciaha enierhabłoka AES «Fłamanvil» na paŭnočnym zachadzie Francyi, staŭ pierahreŭ adnaho ź vientylataraŭ u mašynnaj zale. Pra heta ŭ efiry telekanała BFMTV paviedamiŭ prefiekt departamienta Manš Žak Vitkoŭski, piša TASS.
«Nievialiki vientylatar pa nieviadomych pryčynach pierahreŭsia, u vyniku čaho adbyłasia detanacyja, jakaja pryviała da surjoznaha zadymleńnia. Padkreślu, što heta byŭ nie vybuch, a mienavita detanacyja, vyklikanaja techničnymi pryčynami i nie źviazanaja z chałatnaściu. Śledstvam stała zadymleńnie, ułaścivaje incydentam z uzharańniem elektrapravodki», — skazaŭ jon.
Jak adznačyŭ prefiekt, zdareńnie nijak nie zakranuła jadziernuju častku AES. «Incydent adbyŭsia ŭ pamiaškańni, jakoje nie maje ničoha ahulnaha ź jadziernymi ŭstanoŭkami i radyjeaktyŭnymi materyjałami. Nijakaj ryzyki niama», — zapeŭniŭ Vitkoŭski.
Pryčyny pałomki vientylatara pakul vyśviatlajucca. «Tolki što pačałosia techničnaje rasśledavańnie, śpiecyjalistam treba vyśvietlić pryčyny taho, što zdaryłasia», — dadaŭ jon.
Na AES u Francyi adbyŭsia vybuch
Ciapier čytajuć
«Ja jedu natchnicca ŭkraincami». Śviatłana Cichanoŭskaja pačała aficyjny vizit va Ukrainu20
Kamientary