Прычынай выбуху, што прагрымеў на будпляцоўцы трэцяга энергаблока АЭС «Фламанвіль» на паўночным захадзе Францыі, стаў перагрэў аднаго з вентылятараў у машыннай зале. Пра гэта ў эфіры тэлеканала BFMTV паведаміў прэфект дэпартамента Манш Жак Віткоўскі, піша ТАСС.
«Невялікі вентылятар па невядомых прычынах перагрэўся, у выніку чаго адбылася дэтанацыя, якая прывяла да сур'ёзнага задымлення. Падкрэслю, што гэта быў не выбух, а менавіта дэтанацыя, выкліканая тэхнічнымі прычынамі і не звязаная з халатнасцю. Следствам стала задымленне, уласцівае інцыдэнтам з узгараннем электраправодкі», — сказаў ён.
Як адзначыў прэфект, здарэнне ніяк не закранула ядзерную частку АЭС. «Інцыдэнт адбыўся ў памяшканні, якое не мае нічога агульнага з ядзернымі ўстаноўкамі і радыеактыўнымі матэрыяламі. Ніякай рызыкі няма», — запэўніў Віткоўскі.
Прычыны паломкі вентылятара пакуль высвятляюцца. «Толькі што пачалося тэхнічнае расследаванне, спецыялістам трэба высветліць прычыны таго, што здарылася», — дадаў ён.
На АЭС у Францыі адбыўся выбух
-
У праваслаўнай парафіі на поўдні Польшчы царкоўная ўрачыстасць ператварылася ва ўслаўленне Расіі. З пратэстам выступілі лемкі
-
Трамп заявіў, што з Іранам яго задаволіць толькі «ідэальная здзелка». А проста добрую ён мог бы заключыць проста зараз
-
У Італіі беларуса падазраюць ва ўдзеле ў злачыннай групе
Як рыхтаваўся візіт Ціханоўскай у Кіеў і чаму ён некалькі разоў пераносіўся11
Каментары