Antalohija biełaruskaj paezii «Suviaźrazryŭ» pa-ŭkrainsku, Chadanovič pa-polsku.
Antalohija biełaruskaj paezii «Suviaźrazryŭ» pa-ŭkrainsku, Chadanovič pa-polsku.
Vychad pierakładnych knih biełaruskaj paezii ŭ našyja dni – źjava nia častaja. 12 traŭnia ŭ Biełaruskim PEN-Centry adbyłasia prezentacyja adrazu dvuch vydańniaŭ: vieršaŭ Andreja Chadanoviča «Święta Nowego rocku» («Kaladny rep») i biełaruska-ŭkrainskaj antalohija «Suviaźrazryŭ–Zvjazokrozriv». Abiedźvie knihi vyjšli z paralelnymi tekstami: Chadanovičava –biełaruska-polskaja, antalohija – biełaruska-ŭkrainskaja.
U biełaruska-ŭkrainskuju antalohiju, jakaja rychtavałasia da vychadu ŭ Lvovie 3 hady, uvajšli pa 12 aŭtaraŭ z kožnaha boku. Słova «bok» tut aznačaje nia tolki krainu, ale i ŭłasna bok knižki. Chočaš – adkryvaješ knihu z adnaho boku i čytaješ biełaruskich aŭtaraŭ u aryhinale i ŭkrainskich pierakładach, chočaš – pieraviartaješ knihu i čytaješ ukrainskija vieršy ŭ aryhinale j pa-biełarusku. Niekatoryja z aŭtaraŭ adnaje častki vystupajuć pierakładnikami ŭ druhoj.
Nazva «Suviaźrazryŭ», jak pryznaŭsia Chadanovič, była pazyčanaja z adnajmiennaj paemy Michasia Bajaryna, ananimna źmieščanaj u Internecie.
Biełaruskaja častka knihi pačynajecca ese Valancina Akudoviča «Alibi». Za im iduć vieršy Michasia Bajaryna, Uładzimiera Arłova, Lavona Volskaha, Viktara Žybula, Džeci dy inš. Va ŭkrainskuju ŭvajšli tvory Alaksandra Irvanca, Viktara Niebaraka, Astapa Ślivinskaha i h.d. U siaredzinie ž knihi, jak adznačyŭ na prezentacyi A.Chadanovič, «sapraŭdny bankiet dla movaznaŭcaŭ: nie rasiejska-biełaruskaja trasianka, nie rasiejska-ŭkrainski suržyk, a biełaruska-ŭkrainskaja trasianka. Ukrainskija vydaŭcy knihi pasprabavali napisać tekst pa-biełarusku».
Na prezentacyi nie abyšłosia biez čytańnia vieršaŭ. Maryjka Martysievič čytała svaje pierakłady ź Viktara Niebaraka – aŭtara tekstaŭ dla rok-hurtoŭ «Płač Jeramii» dy «Miortvy Pievień». Džeci pačała pierakładam tvoru Alaksandra Irvanca, a zakončyła svaim vieršam. «Ja Syrynha, Syrynha, Syrynha, Syrynha», – skałanaŭ zalu jaho barabanny poščak.
Źviazavym źvianom u prezentacyi abiedźviuch knih vystupiŭ A.Chadanovič: jaho tvory j pierakłady jość u abiedźviuch knihach.
Ułasna pra zbornik «Święta Nowego rocku» bolš raspaviadaŭ nia sam aŭtar, a Lavon Barščeŭski – adzin ź inicyjataraŭ vydańnia. Kniha vyjšła ŭva Ŭrocłavie ŭ seryi «Biblioteka białoruska». Heta ŭžo druhoje vydańnie hetaj seryi: sioleta ŭ lutym u joj užo vyjšła kniha tvoraŭ Vasila Bykava j Ryhora Baradulina «Kali rukajucca dušy» ŭ pierakładzie Česłava Seniucha. Napahatovie j treciaje vydańnie seryi – kniha tvoraŭ Uładzimiera Arłova. Da kanca hodu, jak adznačyŭ Ł.Barščeŭski, maje vyjści jašče 2–3 knihi biełaruskich aŭtaraŭ u polskim pierakładzie.
Varta dadać, što kniha «Święta Nowego rocku» maje cudoŭnyja ilustracyi, jakija zrabiŭ Andrej Pakroŭski («Čkałava»).
Adam Voršyč
Kamientary