Navukoŭcy vyhadavali pieršyja ŭ śviecie embryjony-chimiery, jakija składajucca z kletak čałavieka i śvińni, havorycca ŭ daśledavańni, apublikavanym u časopisie the Cell. Pra heta piša VVS.
Dola čałaviečych kletak u embryjonie składaje mienš za 0,001%, astatniaje — kletki śvińni. Embryjonu dali raźvivacca tolki 28 dzion.
Hetyja embryjony mohuć dapamahčy stvaryć technałohiju pa vyroščvańni čałaviečych orhanaŭ unutry žyvioł.
Navukoŭcy ŭžyŭlali čałaviečyja stvałavyja kletki ŭ embryjony śvińni. U vyniku atrymlivałasia sumieś z čałaviečych i śvinych kletak, jakuju na miesiac padsadžvali samcy śvińni.
Hety praces akazaŭsia vielmi nieefiektyŭnym: z 2 075 padsadžanych embryjonaŭ na praciahu 28 dzion raźvivalisia tolki 186 štuk. Adnak pry hetym byli prykmiety taho, što čałaviečyja kletki praciahvajuć funkcyjanavać jak častka chimiery.
«Upieršyniu čałaviečyja kletki raśli ŭnutry bujnoj žyvioły, — patłumačyŭ adzin z aŭtaraŭ daśledavańnia prafiesar Chuan Karłas Iśpisua Bielmonte ź Instytuta bijałahičnych daśledavańniaŭ Sołka.
Nievysokuju efiektyŭnaść užytaha mietadu prafiesar patłumačyŭ doŭhaj evalucyjaj, jakaja padzialała čałavieka i śvińniu. Naprykład, raźvićcio płoda śvińni adbyvajecca našmat chutčej, čym u čałavieka. Ciažarnaść śvińni doŭžycca čatyry miesiacy suprać dzieviaci ŭ čałavieka.
Bielmonte paraŭnaŭ hety praces z šašoj, dzie adna mašyna jedzie našmat chutčej, čym inšaja, što pryvodzić da sutyknieńniaŭ.
Užo ciapier, na dumku navukoŭcaŭ, padobnyja chimiery mohuć dapamahčy ŭ praviercy lekaŭ da pierachodu da vyprabavańniaŭ na ludziach i pry vyvučeńni pačatku raźvićcia čałaviečych zachvorvańniaŭ. Taksama chimiery mohuć dapamahčy vyvučyć rannija stadyi raźvićcia čałaviečych embryjonaŭ i rastłumačyć adroźnieńni ŭ tym, jak funkcyjanujuć orhany roznych žyvych istot.
Faktyčna navukoŭcam dla hetaha treba tolki pavialičyć dolu čałaviečych kletak u embryjona da 0,1-1%.
Ciapier čytajuć
Maniekien dziaŭčynki na vakzale ŭ Minsku napałochaŭ i naśmiašyŭ sacsietki5
Kamientary