«Irakskija avijalinii» adkryli rehularny ruch pamiž Irakam i Biełaruśsiu — pakul na miesiac.
Jak paviedamiła pres-słužba Nacyjanalnaha aeraporta «Minsk», uračystaje adkryćcio novaha maršrutu pamiž irakskimi haradami Bahdad i Basra i Minskam adbyłosia 20 studzienia. U 10.40 pa minskim časie ŭ biełaruskaj stalicy ažyćciaviŭ pasadku łajnier, na borcie jakoha znachodzilisia «vysokija hości» ź Iraka: ministr transpartu, členy parłamienta, dyrektar avijakampanii i žurnalisty.
Pa rašeńni «Irakskich avijalinij», rejs IA-272/271 pa maršrucie Bahdad — Minsk i nazad budzie vykonvacca pa piatnicach na praciahu miesiaca da 20 lutaha. Čas prylotu ŭ Minsk — 10.40, vyletu nazad u Bahdad — 15.00.
Rejs va-276/275 z Basry ŭ Minsk i nazad budzie vykonvacca pa paniadziełkach taksama na praciahu miesiaca da 20 lutaha. Čas prylotu ŭ stalicu Biełarusi — 10.10, vyletu nazad — 15.00.
«Irakskija avijalinii» — dziaržaŭnaja avijakampanija Respubliki Irak, stvoranaja ŭ 1945 hodzie. Avijapark kampanii składajecca z samalotaŭ Boinh 737-700, Boinh 737-300, Aerobus A300, Boinh 737-200, Boinh 737-800, Boinh 777-200, Boinh 737-400, Bombardier CRJ-900, Boinh 787-8.
Ciapier čytajuć
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma16
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary