Rašeńnie ŭvieści Biełaruśsiu biaźvizavy režym dla hramadzian 80 krain nie paspryjaje spynieńniu pierasiačeńnia zamiežnymi turystami miežaŭ Rasii. Pra heta žurnalistam paviedamiŭ pres-sakratar prezidenta Rasii Dźmitryj Piaskoŭ.
Pavodle jaho słoŭ, ciapier «adbudoŭvajecca uvieś praces, kab vyklučyć prajecyjavańnie takoha biaźvizavaha režymu ŭžo na našu miažu». Rasijskija słužby znachodziacca ŭ pastajannym kantakcie z kalehami ź Biełarusi, i pytańnie hetaje, napeŭna, abmiarkoŭvałasia, vykazaŭ mierkavańnie jon.
Pa słovach Piaskova, płany ŭvieści biaźvizavy režym Biełaruś uzhadniła z Rasijaj. Pavodle jaho słoŭ, słužby Biełarusi i Rasii «znachodziacca ŭ pastajannaj, štodzionnaj kaardynacyi». Z hetaj pryčyny «tut nijakich sumnievaŭ być nie pavinna», dadaŭ Piaskoŭ. Pradstaŭnik Kramla taksama dadaŭ, što pakul «nie hatovy adkazać na pytańnie» ab mahčymaści dla Rasii ŭvieści taki ž farmat.
Kamientary