Prezident Kot-dJIvuara pajšoŭ na sastupki paśla «dembielskaha miaciažu»
Kiraŭnik krainy Ałasan Uatara zaklučyŭ pahadnieńnie z byłymi i siońniašnimi žaŭnierami armii, jakija na niekalki dzion paralizavali žyćcio Kot-dJIvuara, piša Bi-bi-si.
«Ja pahadziŭsia pryniać pad uvahu patrabavańni žaŭnieraŭ nakont bonusaŭ i lepšych umoŭ pracy», — skazaŭ prezident pa nacyjanalnym telebačańni.
Demabilizavanyja žaŭniery z armii Kot-dJIvuara padniali rokaš u kancy minułaha tydnia.
Pryčynaj paŭstańnia byli patrabavańni pavialičeńnia zarobku i vypłaty bonusaŭ, raspavioŭ ministr abarony afrykanskaj krainy, jaki časova patrapiŭ u pałon da miaciežnikaŭ.
Pieršapačatkova dembieli ŭziali ŭ zakładniki namieśnika kamandzira samaj vialikaj vajskovaj častki ŭ horadzie Buakie i pierakanali dałučycca da siabie častku žaŭnieraŭ ź miascovaha harnizona.
Potym da miaciažu dałučylisia vajskovyja častki ŭ inšych haradach.
U 2011 hodzie ŭ krainie adbyłasia karotkaja hramadzianskaja vajna, jakaja zakončyłasia paśla interviencyi francuzskich vojsk.
Anałahičnaje vajskovaje paŭstańnie mieła miesca taksama ŭ Kot-dJIvuary ŭ 2014 hodzie, kali sotni vajskoŭcaŭ patrabavali vypłaty zarobkaŭ. Paśla pieramovaŭ urad zaklučyŭ z žaŭnierami pahadnieńnie i vypłaciŭ im hrošy.
Vielmi padobnyja rokašy časta ŭźnikali i ŭ Jeŭropie ŭ 16-17 stahodździach, kali najmity-žaŭniery (časam u razhar vojnaŭ) stavili pierad vajskovym kamandvańniem i dziaržaŭnym kiraŭnictvam pytańni pra vypłatu daŭhoŭ pa zarobkach.
Kamientary