Pra heta jon zajaviŭ u intervju prahramie «Vialiki horad» telekanała STV, paviedamlaje BiełaPAN.
«Heta — hałoŭnaje. Toje, dziela čaho kiraŭnik krainy nakiroŭvaŭ mianie siudy. I ja ŭpeŭnieny ŭ tym, što nam udałosia damahčysia peŭnych pośpiechaŭ u hetym. My skaracili zatraty ŭ halinie, pryčym značna. My stvaryli novuju strukturu, jakaja žyćciazdolnaja, kankurentazdolnaja. I ja ŭpeŭnieny, što našy hramadzianie aceńvajuć heta», — skazaŭ mer biełaruskaj stalicy.
Šorac paviedamiŭ, što pa techničnym absłuhoŭvańni žychary Minska ŭžo apłačvajuć 92% ad sabiekoštu hetaj kamunalnaj pasłuhi — «my skaracili vydatki, pryčym na vysoki ŭzrovień». Za košt praviadzieńnia tenderaŭ tolki pa kapitalnym ramoncie źnižany košt vykanańnia rabot na 45%.
«My naładzili rabotu nad jakaściu pasłuh, što pradastaŭlajucca, rabotu słužby zakazčyka i padradčyka, jakija ciapier padzielenyja», — raspavioŭ mer.
Pavodle jaho słoŭ, stvorany adziny raźlikova-daviedkavy centr, dzie abjadnanyja 43 razroźnienych centra.
«My stvaryli adzinuju dyśpietčarskuju słužbu, jakaja z 360 čałaviek pieratvaryłasia ŭ 140, i jakaja pracuje ŭ kruhłasutkavym režymie, i my bačym, jak jana pracuje. Stvaryli sajt 115.bieł. I ja spadziajusia, i ŭpeŭnieny ŭ tym, što ŭ 2017 hodzie — jość peŭnyja ahrechi, niedachopy — ale my naviadziem paradak», — zajaviŭ staršynia harvykankama.
Kamientary