27-hadovamu kiroŭcu Mercedes, jaki dryftavaŭ na płoščy Pieramohi ŭ Minsku, vystavili abvinavačvańnie. Kryminalnuju spravu raspačali pa dvuch artykułach — «chulihanstva» i «ździek z historyka-kulturnych kaštoŭnaściej», paviedamlaje pres-słužba Śledčaha kamiteta.
Zdareńnie adbyłosia 29 listapada kala 2-j hadziny nočy. «Zahadzia viedajučy ab histaryčnaj značnaści i kulturnaj kaštoŭnaści pomnika», mužčyna «dazvoliŭ sabie niedapuščalnyja pavodziny ŭ hramadskim miescy». Pa viersii śledstva, jon «naŭmysna zajechaŭ na aŭtamabili na terytoryju la manumienta Pieramohi i metanakiravana trojčy ŭvioŭ mašynu ŭ kiravany zanos». Ź miesca zdareńnia kiroŭca sprabavaŭ źjechać, nieadnarazova ihnaravaŭ patrabavańni milicyjanieraŭ ab spynieńni lehkavika. Sudova-miedycynskaja ekśpiertyza zaśviedčyła, što ŭ toj čas złamyśnik uśviedamlaŭ, što jon robić. Ciapier mužčyna znajomicca z materyjałami kryminalnaj spravy.
Raniej kiroŭcu aštrafavali na 630 rubloŭ, jaho na 18 miesiacaŭ pazbavili vadzicielskich pravoŭ. Pasažyr, jaki zdymaŭ dryft na videa, aštrafavany na 126 rubloŭ.
Ciapier čytajuć
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma16
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary