Jak paviedamiŭ na pres-kanfierencyi ŭ Maskvie načalnik słužby biaśpieki palotaŭ avijacyi Uzbrojenych sił Rasii Siarhiej Bajnietaŭ, analiz adnoj frazy kamandzira ekipaža Tu-154, što raźbiŭsia pad Sočy 25 śniežnia, kaža «pra pačatak asablivaj situacyi». «Bolš pakul jana ničoha nie kaža», — zajaviŭ jon.
Bajnietaŭ taksama raspavioŭ pra toje, što sam radyjoabmien z Tu-154 byŭ vielmi karotki. «Vy možacie sabie ŭjavić, što asablivaja situacyja raźvivałasia na praciahu 10 siekund. Što možna skazać za 10 siekund?» — spytaŭ jon.
Pradstaŭnik Minabarony taksama ŭkazaŭ, što atrymanyja dadzienyja z bartavych samapiscaŭ dazvolili ŭdvaja skaracić kolkaść viersij pryčyn avijakatastrofy, adnak pakul nielha kazać pra toje, što mienavita pryviało da padzieńnia łajniera. «Nielha skazać ab adnoj pryčynie hetaha avijacyjnaha zdareńnia. Hetyja pryčyny lažać u vobłaści i čałaviečaha faktaru, i avijacyjnaj techniki, i źniešnich umovaŭ», - padkreśliŭ jon.
Kamientary