Brytanskim domaŭładalnikam prapanujecca ŭstaloŭvać na budynkach soniečnyja batarei i pavietranyja turbiny. Dziaržava vydatkoŭvaje na heta hrošy. Tak pravodzicca ambitnaja ekalahičnaja stratehija, meta jakoj — abaranić karaleŭstva ad paliŭnaj zaležnaści.
Tak pravodzicca ambitnaja ekalahičnaja stratehija, meta jakoj — abaranić karaleŭstva ad paliŭnaj zaležnaści.
Stratehija była prezentavana na hetym tydni. Jaje biudžet — kala 100 miljardaŭ funtaŭ sterlinhaŭ (pryblizna 200 młrd dalaraŭ). Hetyja hrošy ŭkładajucca ŭ vyhadnuju prapanovu — budynki buduć nie spažyvać elektryčnaść, a hieneravać jaje sami. Liški elektraenerhii možna budzie pradavać dziaržavie pa koštach z nadbaŭkami. Dahetul ich možna było pradavać tolki pa rynačnych koštach.
U sielskaj miascovaści vialikaja płošča ziamli budzie zasadžanaja lasami, draŭnina jakich budzie spalvacca ŭ sietcy małych elektrastancyjaŭ.
Zhodna z dakumentam, na 90% budzie pavyšanaje karystańnie hieatermalnymi stancyjami, jakija vypracoŭvajuć i elektryčnaść, i aciapleńnie, nie dajučy škodnych vykidaŭ.
Ministry bačać rost kolkaści soniečnych batarejaŭ z 90 tysiačaŭ siońniašnich da 7 miljonaŭ u 2020 h. Čakajecca, što novaja paliŭnaja stratehija stvoryć kala 160 tysiač pracoŭnych miescaŭ.
Kali domaŭładalniki nie ŭstalujuć alternatyŭnyja krynicy enerhii i nie padymuć ciepłaizalacyju budynkaŭ na patrebny ŭzrovień, stratehija moža paciarpieć parazu. Kab paźbiehnuć hetaha, dziaržava budzie vydavać hranty na ustalavańnie soniečnych panelaŭ, a taksama zaachvočvać va ŭstanoŭcy vietrakoŭ.
Džon Soŭen, vykanaŭčy dyrektar «Hrynpisu», kaža:
«Kali hety plan stanie realnaściu, Brytanija budzie lepšaj krainaj, kvitniejučaj i biaśpiečnaj. My stvorym pracoŭnyja miescy, źmieńšym zaležnaść ad zamiežnaj nafty i haz, a dalejšaj pierśpiektyvie rachunki za enerhiju prosta źniknuć».
Ciapier čytajuć
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi4
Kamientary