Nieviadomy hraficist, Daškievič i Human Constanta stali čempijonami hramadzianskaj supolnaści — 2016
23 śniežnia Asambleja niaŭradavych demakratyčnych arhanizacyj adznačyła najbolš značnyja padziei ŭ hramadskim siektary štohadovaj premijaj «Čempijon hramadzianskaj supolnaści».
U naminacyi «Hramadski lidar hoda» pieramoh Źmicier Daškievič.
Premiju «Novaja inicyjatyva» atrymała ŭstanova «Human Constanta», jakaja zajmajecca abaronaj pravoŭ uciekačoŭ i mihrantaŭ.
U naminacyi «Kreatyŭ hoda» adznačyli nieviadomaha mastaka, jaki damalavaŭ kalučy drot na prapahandysckim hrafici «Minsk-Maskva». Vidavočna, jon nie pryjšoŭ na premiju, ale pieradaŭ pasłańnie.
«Miedyjaaktyŭnaść hoda» pa viersii žury staŭ anłajn-časopis «Imiony».
U naminacyi «Partnierstva hoda» pieramahła płatforma Talaka.by.
«Rehijanalnaj padziejaj» abrali kampaniju ŭ abaronu historyka-kulturnaha rajona Miensku «Asmałoŭka».
Žurnalistam hoda pa viersii Aasamblei stała Halina Abakunčyk z radyjo «Svaboda».
«Kampanijaj hoda» była pryznanaja inicyjatyva zboru podpisaŭ za nadańnie bieł-čyrvona-biełamu ściahu statusu historyka-kulturnaj kaštoŭnaści.
Žartaŭlivuju antypremiju «Harbuz» atrymali supracoŭniki HUUS Minharvykankama, jakija ŭ hetym hodzie zatrymali ŭdzielnikaŭ niehvałtoŭnaj akcyi ravarystaŭ «Krytyčnaja masa».
Ciapier čytajuć
Łukašenka niervova prakamientavaŭ vizit Cichanoŭskaj u Kijeŭ40
Kamientary